ਨਵੀਂ ਦਿੱਲੀ— IPL 2024 'ਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੀ ਸ਼ੁਰੂਆਤ ਬੇਹੱਦ ਨਿਰਾਸ਼ਾਜਨਕ ਰਹੀ ਹੈ। ਇਸ ਨਿਰਾਸ਼ਾਜਨਕ ਪ੍ਰਦਰਸ਼ਨ ਤੋਂ ਬਾਅਦ ਆਰਸੀਬੀ ਦੇ ਸਾਬਕਾ ਬੱਲੇਬਾਜ਼ ਏਬੀ ਡਿਵਿਲੀਅਰਸ ਨੇ ਵੱਡਾ ਬਿਆਨ ਦਿੱਤਾ ਹੈ। ਡਿਵਿਲੀਅਰਸ ਨੇ ਆਪਣੇ ਬਿਆਨ 'ਚ ਭਾਰਤ ਦੇ ਸੁਪਰਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਨੂੰ ਟੀਮ ਲਈ ਅਹਿਮ ਦੱਸਿਆ ਹੈ। ਡਿਵਿਲੀਅਰਸ ਨੇ ਵਿਰਾਟ ਨੂੰ ਖਾਸ ਸਲਾਹ ਵੀ ਦਿੱਤੀ ਹੈ। ਇਸ ਤੋਂ ਇਲਾਵਾ ਡਿਵਿਲੀਅਰਸ ਨੇ ਇਹ ਵੀ ਦੱਸਿਆ ਹੈ ਕਿ ਕਿਵੇਂ ਆਰਸੀਬੀ ਟੀਮ ਜਿੱਤ ਦੇ ਰਸਤੇ 'ਤੇ ਵਾਪਸ ਆ ਸਕਦੀ ਹੈ।
ਡਿਵਿਲੀਅਰਸ ਨੇ ਕੋਹਲੀ ਨੂੰ ਦਿੱਤੀ ਵੱਡੀ ਸਲਾਹ : ਏਬੀ ਡਿਵਿਲੀਅਰਸ ਨੇ ਕਿਹਾ ਹੈ, 'ਉਮੀਦ ਹੈ ਕਿ ਵਿਰਾਟ ਕੋਹਲੀ ਆਪਣੀ ਚੰਗੀ ਸ਼ੁਰੂਆਤ ਜਾਰੀ ਰੱਖੇਗਾ। ਆਰਸੀਬੀ ਨੂੰ ਮੱਧ ਓਵਰਾਂ ਵਿੱਚ ਉਸਦੀ ਲੋੜ ਸੀ। ਫਾਫ ਨੂੰ ਸ਼ੁਰੂਆਤ 'ਚ ਖਾਸ ਤੌਰ 'ਤੇ ਪਹਿਲੇ 6 ਓਵਰਾਂ 'ਚ ਤੇਜ਼ੀ ਨਾਲ ਸਕੋਰ ਬਣਾਉਣ ਅਤੇ ਜ਼ਿਆਦਾ ਜੋਖਮ ਲੈਣ ਦੀ ਜ਼ਰੂਰਤ ਹੁੰਦੀ ਹੈ। ਮੈਂ ਚਾਹੁੰਦਾ ਹਾਂ ਕਿ ਵਿਰਾਟ ਕੋਹਲੀ 6-15 ਦੇ ਵਿਚਕਾਰ ਕ੍ਰੀਜ਼ 'ਤੇ ਮੌਜੂਦ ਰਹੇ ਅਤੇ ਅੰਤ ਤੱਕ ਖੇਡੇ। ਇਸ ਤੋਂ ਬਾਅਦ ਹੀ ਆਰਸੀਬੀ ਟੀਮ ਹਮਲਾਵਰ ਨਜ਼ਰ ਆਵੇਗੀ।
-
Ab De Villiers said - "Hopefully, Virat Kohli keeps going with his good start, because RCB need that glue in the middle overs. Let Faf take more risk upfront, and Virat, I want you to be there over 6-15 & play till the end That is when RCB is going to fire from all cylinders". pic.twitter.com/olJIwOFYNC
— CricketMAN2 (@ImTanujSingh) April 4, 2024
ਆਰਸੀਬੀ ਨੂੰ ਇਨ੍ਹਾਂ ਖਿਡਾਰੀਆਂ ਤੋਂ ਉਮੀਦਾਂ ਹਨ: ਹੁਣ ਤੱਕ ਆਰਸੀਬੀ ਨੇ ਕੁੱਲ 4 ਮੈਚ ਖੇਡੇ ਹਨ। ਇਸ ਦੌਰਾਨ ਉਸ ਨੂੰ 3 ਮੈਚਾਂ 'ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਆਰਸੀਬੀ ਦੇ ਕਪਤਾਨ ਫਾਫ ਡੂ ਪਲੇਸਿਸ, ਗਲੇਨ ਮੈਕਸਵੈੱਲ, ਕੈਮਰਨ ਗ੍ਰੀਨ ਅਤੇ ਰਜਤ ਪਾਟੀਦਾਰ ਅਜੇ ਤੱਕ ਬੱਲੇ ਨਾਲ ਕੁਝ ਖਾਸ ਨਹੀਂ ਕਰ ਸਕੇ ਹਨ। ਇਨ੍ਹਾਂ ਬੱਲੇਬਾਜ਼ਾਂ ਦੇ ਦੌੜਾਂ ਨਾ ਬਣਾਉਣ ਕਾਰਨ ਵਿਰਾਟ ਕੋਹਲੀ 'ਤੇ ਦਬਾਅ ਕਾਫੀ ਵੱਧ ਜਾਂਦਾ ਹੈ। ਅਜਿਹੇ 'ਚ ਸਿਰਫ ਵਿਰਾਟ ਕੋਹਲੀ ਹੀ ਹਰ ਮੈਚ 'ਚ ਟੀਮ ਲਈ ਵੱਡਾ ਸਕੋਰ ਕਰਦੇ ਨਜ਼ਰ ਆ ਰਹੇ ਹਨ।
ਵਿਰਾਟ ਫਿਲਹਾਲ ਆਈਪੀਐਲ 2024 ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ਾਂ ਦੀ ਸੂਚੀ ਵਿੱਚ ਸਿਖਰ 'ਤੇ ਹਨ। ਵਿਰਾਟ ਨੇ 4 ਪਾਰੀਆਂ 'ਚ 2 ਅਰਧ ਸੈਂਕੜਿਆਂ ਦੀ ਮਦਦ ਨਾਲ 203 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਉਸਦਾ ਸਰਵੋਤਮ ਸਕੋਰ 83* ਰਿਹਾ। ਆਰਸੀਬੀ ਦਾ ਅਗਲਾ ਮੈਚ ਰਾਜਸਥਾਨ ਰਾਇਲਜ਼ ਨਾਲ 6 ਅਪ੍ਰੈਲ ਨੂੰ ਜੈਪੁਰ ਵਿੱਚ ਹੋਣ ਜਾ ਰਿਹਾ ਹੈ।
