ਨਵੀਂ ਦਿੱਲੀ: ਭਾਰਤੀ ਟੀਮ ਦੇ ਗੇਂਦਬਾਜ਼ ਅਨਿਲ ਕੁੰਬਲੇ ਨੇ 25 ਸਾਲ ਪਹਿਲਾਂ ਪਾਕਿਸਤਾਨ ਖਿਲਾਫ ਇਤਿਹਾਸ ਰਚਿਆ ਸੀ। ਜਿਸ ਨੂੰ ਅੱਜ ਤੱਕ ਉਸ ਤੋਂ ਬਾਅਦ ਕੋਈ ਤੋੜ ਨਹੀਂ ਸਕਿਆ। ਕੁੰਬਲੇ ਨੇ 7 ਫਰਵਰੀ 1999 ਨੂੰ ਪਾਕਿਸਤਾਨ ਦੇ ਖਿਲਾਫ ਦੂਜੀ ਪਾਰੀ ਵਿੱਚ ਸਾਰੀਆਂ 10 ਵਿਕਟਾਂ ਲੈ ਕੇ ਇੱਕ ਰਿਕਾਰਡ ਬਣਾਇਆ ਸੀ। ਅਜਿਹਾ ਕਰਨ ਵਾਲੇ ਅਨਿਲ ਕੁੰਬਲੇ ਕ੍ਰਿਕਟ ਇਤਿਹਾਸ ਦੇ ਦੂਜੇ ਗੇਂਦਬਾਜ਼ ਬਣ ਗਏ ਹਨ। ਉਸ ਤੋਂ ਬਾਅਦ ਹੁਣ ਤੱਕ ਕੋਈ ਵੀ ਇਹ ਕਾਰਨਾਮਾ ਨਹੀਂ ਕਰ ਸਕਿਆ ਹੈ। ਹਾਲਾਂਕਿ ਉਨ੍ਹਾਂ ਤੋਂ ਪਹਿਲਾਂ ਇੰਗਲੈਂਡ ਦੇ ਆਫ ਸਪਿਨਰ ਜਿਮ ਲੇਕਰ ਨੇ 1956 'ਚ ਮਾਨਚੈਸਟਰ 'ਚ ਆਸਟ੍ਰੇਲੀਆ ਖਿਲਾਫ ਸਾਰੀਆਂ 10 ਵਿਕਟਾਂ ਲੈਣ ਦਾ ਕਾਰਨਾਮਾ ਕੀਤਾ ਸੀ।
ਜਿਸ ਮੈਚ ਵਿੱਚ ਅਨਿਲ ਕੁੰਬਲੇ ਨੇ ਇਹ ਬੇਮਿਸਾਲ ਰਿਕਾਰਡ ਬਣਾਇਆ ਸੀ, ਉਹ ਮੈਚ ਦਿੱਲੀ ਦੇ ਫਿਰੋਜ਼ਸ਼ਾਹ ਕੋਟਲਾ ਵਿੱਚ ਖੇਡਿਆ ਗਿਆ ਸੀ। ਪਾਕਿਸਤਾਨ ਦੀ ਟੀਮ ਭਾਰਤ ਦੌਰੇ 'ਤੇ ਆਈ ਸੀ। ਇਸ ਮੈਚ 'ਚ ਭਾਰਤ ਨੇ ਪਾਕਿਸਤਾਨ ਨੂੰ 420 ਦੌੜਾਂ ਦਾ ਟੀਚਾ ਦਿੱਤਾ ਸੀ। ਜਿਸ ਦੇ ਜਵਾਬ 'ਚ ਅਨਿਲ ਕੁੰਬਲੇ ਦੀ ਘਾਤਕ ਗੇਂਦਬਾਜ਼ੀ ਕਾਰਨ ਪਾਕਿਸਤਾਨ ਦੀ ਪੂਰੀ ਟੀਮ 207 ਦੌੜਾਂ 'ਤੇ ਢੇਰ ਹੋ ਗਈ। ਅਜ਼ਹਰੂਦੀਨ ਦੀ ਕਪਤਾਨੀ ਵਿੱਚ ਭਾਰਤ ਨੇ ਇਹ ਮੈਚ ਜਿੱਤਿਆ ਸੀ।
ਇਸ ਮੈਚ 'ਚ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਭਾਰਤ ਨੇ 252 ਦੌੜਾਂ ਬਣਾਈਆਂ ਸਨ, ਜਿਸ ਦੇ ਜਵਾਬ 'ਚ ਪਾਕਿਸਤਾਨ ਦੀ ਟੀਮ ਪਹਿਲੀ ਪਾਰੀ 'ਚ 172 ਦੌੜਾਂ 'ਤੇ ਹੀ ਢੇਰ ਹੋ ਗਈ ਸੀ। ਦੂਜੀ ਪਾਰੀ ਵਿੱਚ 80 ਦੌੜਾਂ ਦੀ ਲੀਡ ਲੈਣ ਤੋਂ ਬਾਅਦ ਭਾਰਤੀ ਟੀਮ ਬੱਲੇਬਾਜ਼ੀ ਕਰਨ ਆਈ ਅਤੇ ਪਾਕਿਸਤਾਨ ਨੂੰ 420 ਦੌੜਾਂ ਦਾ ਟੀਚਾ ਦਿੱਤਾ। ਜੋ ਅਨਿਲ ਕੁੰਬਲੇ ਦੀ ਗੇਂਦਬਾਜ਼ੀ ਕਾਰਨ ਪਾਕਿਸਤਾਨ ਦਾ ਸੁਪਨਾ ਰਹਿ ਗਿਆ। ਕੁੰਬਲੇ ਨੇ ਉਸ ਮੈਚ ਵਿੱਚ 74 ਦੌੜਾਂ ਦੇ ਕੇ ਸਾਰੀਆਂ 10 ਵਿਕਟਾਂ ਲਈਆਂ ਸਨ।
| ਖਿਡਾਰੀ | ਦੌੜਾਂ | ਆਊਟ |
| ਸ਼ਾਹੀਦ ਅਫਰੀਦੀ | 41 | ਕੈਚ ਆਊਟ |
| ਇਜਾਜ ਅਹਿਮਦ | 0 | ਐਲਬੀਡਬਲਣੂ |
| ਇੰਜਮਾਮ ਉਲ ਹੱਕ | 6 | ਬੋਲਡ |
| ਮੁਹੰਮਦ ਯੂਸੁਫ | 0 | ਐਲਬੀਡਬਲਣੂ |
| ਮੋਈਨ ਖਾਨ | 3 | ਕੈਚ ਆਊਟ |
| ਸਾਈਦ ਅਨਵਰ | 69 | ਕੈਚ ਆਊਟ |
| ਸਲੀਮ ਮਲਿਕ | 15 | ਬੋਲਡ |
| ਮੁਸ਼ਤਾਕ ਅਹਿਮਦ | 1 | ਕੈਚ ਆਊਟ |
| ਸਕਲੈਨ ਮੁਸ਼ਤਾਕ | 0 | ਐਲਬੀਡਬਲਣੂ |
| ਵਸੀਮ ਅਕਰਮ | 37 | ਕੈਚ ਆਊਟ |
