Watch Video: ମଝି ରାସ୍ତାରେ ହୁତୁହୁତୁ ହୋଇ ଜଳିଗଲା ଟ୍ରକ, ଅଳ୍ପକେ ବର୍ତ୍ତିଲେ ଡ୍ରାଇଭର ଓ ହେଲପର

ଯାଜପୁର: ଚଳନ୍ତା ଟ୍ରକରେ ଲାଗିଲା ନିଆଁ । ହଠାତ ହୁତୁହୁତୁ ହୋଇ ଜଳିଲା ଟ୍ରକ । ଯାଜପୁର ଜିଲ୍ଲା କୋରେଇ ଥାନା ଅନ୍ତର୍ଗତ ନୂଆଗଡ ଛକରେ ହଠାତ ଟ୍ରକଟି ଚାଲୁଥିବା ବେଳେ ନିଆଁ ଲାଗିଯାଇଥିଲା । ତେବେ ଗାଡିରୁ ଓହ୍ଲାଇ ପଡିବାରୁ ଅଳ୍ପକେ ବର୍ତ୍ତିଯାଇଛନ୍ତି ଟ୍ରକ ଚାଳକ ଓ ହେଲ୍ପର । 

ସୂଚନା ମୁତାବକ ରବିବାର ରାତିରେ ଏକ 10 ଚକିଆ ଟ୍ରକ କଳିଙ୍ଗନଗର ଅଞ୍ଚଳରୁ ଦ୍ରୁତଗତିରେ ଆସୁଥିଲା l ହଠାତ କୋରେଇ ଥାନା ନୂଆଗଡ ଛକରେ କୌଣସି କାରଣରୁ ଟ୍ରକଟି ଜଳିବାକୁ ଲାଗିଥିଲା l ଟ୍ରକରେ ନିଆଁ ଲାଗି ଯାଇଥିବାକୁ ଦେଖି ଟ୍ରକ ଗାଡିର ଚାଳକ ଓ ହେଲପର ଗାଡ଼ିରୁ ତଳକୁ ଡେଇଁ ପଡ଼ିଥିଲେ l ଫଳରେ ଦୁର୍ଘଟଣାରୁ ବର୍ତ୍ତି ଯାଇଥିଲେ l ସେପଟେ ଟ୍ରକରେ ନିଆଁ ଲାଗିଥିବା ଖବର ପାଇ ଯାଜପୁର ରୋଡ ଅଗ୍ନିଶମ ଅଧିକାରୀ ଓ କର୍ମଚାରୀ ତୁରନ୍ତ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ଅନ୍ୟପଟେ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି । 

ଇଟିଭି ଭାରତ, ଯାଜପୁର