ପରିକ୍ରମା ପ୍ରକଳ୍ପ ଲୋକାର୍ପିତ: ଏମିିତି କହିଲେ ଭକ୍ତ...

Parikrama Project Inauguration: ପୁରୀ: ଲୋକାର୍ପିତ ହୋଇଛି ଶ୍ରୀମନ୍ଦିର ପରିକ୍ରମା ପ୍ରକଳ୍ପ । ଏହି ଭବ୍ୟ କାର୍ଯ୍ୟକ୍ରମରେ ନିମନ୍ତ୍ରିତ ଅତିଥି ଓ ଶ୍ରଦ୍ଧାଳୁମାନେ ସାକ୍ଷୀ ପାଲଟିଛନ୍ତି । ଶ୍ରୀକ୍ଷେତ୍ର ଉତ୍ସବମୁଖର ରହିଥିବାବେଳେ ପରିକ୍ରମା ପ୍ରକଳ୍ପର ଲୋକାର୍ପଣକୁ ନେଇ ଖୁସି ବ୍ୟକ୍ତ କରିଛନ୍ତି ଭକ୍ତ ।  ପୂର୍ବରୁ ଶୌଚାଳୟ ସମସ୍ୟା ଥିବାବେଳେ ତାହା ଏବେ ଦୂର ହୋଇଛି । 

ସେହିପରି ଅନ୍ୟ ମନ୍ଦିରମାନଙ୍କରେ ପରିକ୍ରମା ବ୍ୟବସ୍ଥା ଥିବାବେଳେ ଚାରି ଧାମରୁ ଅନ୍ୟତମ ଶ୍ରୀଜଗନ୍ନାଥ ଧାମ ପାଇଁ ପରିକ୍ରମା ମାର୍ଗର ଆବଶ୍ୟକତା ରହିଥିଲା । ଯାହା ଏବେ ଲୋକାର୍ପଣ ହୋଇଥିବାରୁ ଦୂରଦୂରାନ୍ତରୁ ଆସିଥିବା ଭକ୍ତମାନେ ଖୁସି ବ୍ୟକ୍ତ କରିଛନ୍ତି । ସେହିପରି ନିକଟରେ ଏକ ପାର୍କର ନିର୍ମାଣ କରାଯାଇଥିବା କହିଛନ୍ତି ଭକ୍ତ । ପୂର୍ବ ଅପେକ୍ଷା ବର୍ତ୍ତମାନ ଅନେକ ମନ୍ଦିର ରୂପରେଖରେ ଅନେକ ପରିବର୍ତ୍ତନ ଆସିଥିବା ନେଇ ମତ ପ୍ରକାଶ ପାଇଛି । 

ଇଟିଭି ଭାରତ, ପୁରୀ