ହାଇଦ୍ରାବାଦ: ଋତୁସ୍ରାବ ହିସାବରେ ମହିଳାଙ୍କ ସ୍ବାସ୍ଥ୍ୟବସ୍ଥା ନିର୍ଦ୍ଦାରିତ ହୋଇଥାଏ । ଋତୁସ୍ରାବ ସମୟରେ ଯୁବତୀମାନଙ୍କର ପେଟ ଯନ୍ତ୍ରଣା ହୋଇଥାଏ । ଏଥିରୁ ମୁକ୍ତି ପାଇବା ପାଇଁ କିଛି ଜଣ ଔଷଧ ଖାଇଥାଆନ୍ତି । ଯାହାକି ଶରୀର ଉପରେ କୁପ୍ରଭାବ ପକାଇଥାଏ । କେତେକ କ୍ଷେତ୍ରରେ ପେଟରେ ଘା ଏବଂ ହଜମ ପ୍ରକ୍ରିୟାରେ ଅସୁବିଧା ହୋଇପାରେ ବୋଲି ମଧ୍ୟ ବିଶେଷଜ୍ଞମାନେ କହିଛନ୍ତି । ତେବେ ଆକ୍ବାଟିକ୍ ଥେରାପି ଦ୍ବାରା ଏହି ଯନ୍ତ୍ରଣାରୁ ମୁକ୍ତି ମିଳିପାରିବ ବୋଲି ବିଶେଷଜ୍ଞମାନେ ମତ ପୋଷଣ କରିଛନ୍ତି । ଏହାଦ୍ବାରା କୌଣସି ପାର୍ଶ୍ୱ ପ୍ରତିକ୍ରିୟା ମଧ୍ୟ ହୋଇନଥାଏ ବୋଲି କୁହାଯାଇଛି । ଆକ୍ବାଥେରାପି ହେଉଛି ଗରମ ପାଣିରେ ଏକ ପ୍ରକାରର ବ୍ୟାୟାମ । ଯାହାଦ୍ବାରା ସ୍ନାୟୁ ଏବଂ ମାଂସପେଶୀ ଶକ୍ତ ହୋଇଥାଏ ।
ଋତୁସ୍ରାବ ସମୟରେ ଅନେକ ପ୍ରକାରର ହରମୋନ କ୍ଷରିତ ହୋଇଥାଏ । ଏଗୁଡି଼କ ଗର୍ଭାଶୟ ମାଂସପେଶୀ ଉପରେ ପ୍ରଭାବ ପକାଇଥାଏ । ଏହାଦ୍ବାରା ଗର୍ଭାଶୟରେ ରକ୍ତ ପ୍ରବାହ ମନ୍ଥର ହୋଇଯାଏ ଏବଂ ଋତୁସ୍ରାବ ସମୟରେ ତଳ ପେଟରେ ଯନ୍ତ୍ରଣା ହୋଇଥାଏ । ତେବେ ଏଥରୁ ମୁକ୍ତି ପାଇବା ପାଇଁ ଔଷଧ ପରିବର୍ତ୍ତେ ଡାକ୍ତରମାନେ ଔଷଧ ଉପରେ ଅଧିକ ଗୁରୁତ୍ବ ଦେଇଥାଆନ୍ତି । ଏଭଳି ଏକ ଚିକିତ୍ସା ପଦ୍ଧତି ହେଉଛି ଆକ୍ବାଟିକ୍ ଥେରାପି । ଗରମ ପାଣିରେ ପରିପୂର୍ଣ୍ଣ ସ୍ବିମିଂପୁଲ୍ରେ ଯୋଗ, ଏରୋବିକ୍ସ, ପିଲାଟିସ କରବାକୁ ଆକ୍ବାଟିକ୍ ଥେରାପି କୁହାଯାଏ । ଏହି ବ୍ୟାୟାମଗୁଡ଼ିକ ଶରୀରରେ ଏଣ୍ଡୋରଫିନ୍ସ ରିଲିଜ କରିଥାଏ । ଏହାସହ ପେଲ୍ଭିକ୍ ଗାର୍ଡଲ୍ ମାଂସପେଶୀରେ ରକ୍ତ ସଞ୍ଚାଳନରେ ଉନ୍ନତି ହୋଇଥାଏ । ଫଳସ୍ୱରୂପ, ଋତୁସ୍ରାବରୁ ମୁକ୍ତି ମିଳିଥାଏ ଏବଂ ପେଲଭିକ୍ ଗାର୍ଡଲ୍ ମାଂସପେଶୀ ଦୃଢ଼ ହୋଇଥାଏ ।
ଏହା ମଧ୍ୟ ପଢନ୍ତୁ: ଋତୁସ୍ରାବ ସମୟରେ ପେଟବ୍ୟଥା ହେଉଛି କି? କିଭଳି ଶୋଇଲେ କମିବ ଯନ୍ତ୍ରଣା ? ଜାଣନ୍ତୁ
ଏହି ସବୁ ଫାଇଦା ହୋଇଥାଏ: ବୈଜ୍ଞାନିକଙ୍କ କହିବା ଅନୁସାରେ, ଉଷୁମ ପାଣିରେ ବ୍ୟାୟାମ କରିବା ଦ୍ବାରା ଶାରୀରିକ ଏବଂ ମାନସିକ ସ୍ବାସ୍ଥ୍ୟ ଠିକ ରହିଥାଏ ।
⚛ ଗରମ ପାଣିରେ ବ୍ୟାୟାମ କରିବା ଦ୍ୱାରା ପେଲଭିକ୍ ଗାର୍ଡଲ୍, ପେଟ ଏବଂ ଜଙ୍ଘ ପରି ଅଂଶରେ ରକ୍ତ ସଞ୍ଚାଳନ ଠିକ୍ ହୋଇଥାଏ । ଫଳସ୍ୱରୂପ ସେହି ଅଂଶଗୁଡ଼ିକର ମାଂସପେଶୀକୁ ଆରାମ ମିଳିଥାଏ । ଏହାଦ୍ବାରା କ୍ଷରିତ ହରୋମାନ ଯାହା ଗର୍ଭାଶୟ ମାଂସପେଶୀ ଉପରେ ପ୍ରଭାବ ପକାଇଥାଏ । ଫଳସ୍ୱରୂପ, ଯନ୍ତ୍ରଣାରୁ ମୁକ୍ତି ମିଳିଥାଏ ।
⚛ ଏହି ବ୍ୟାୟାମ ଦ୍ବାରା ଗୋଡ ଏବଂ ବାହୁକୁ ପୁଷ୍କରିଣୀରେ ମୁଭିଂ କରିବାକୁ ପଡିଥାଏ। ଅର୍ଥାତ ବାହୁ ଏବଂ ଗୋଡ ଉପରେ ଅଧିକ ପ୍ରଭାବ ପଡିଥାଏ। ଏହା ଦ୍ବାରା ଯନ୍ତ୍ରଣା ମଧ୍ୟ ହ୍ରାସ ପାଇଥାଏ।
⚛ ଜଳ ବ୍ୟାୟାମ ହେତୁ ଯନ୍ତ୍ରଣା ହେଉଥିବା ମାଂସପେଶୀ ଜଳ ସହିତ ଘର୍ଷଣର ସମ୍ମୁଖୀନ ହୁଏ । ଫଳସ୍ୱରୂପ, ଯନ୍ତ୍ରଣାରୁ ମୁକ୍ତି ସହିତ ସମ୍ପୃକ୍ତ ମାଂସପେଶୀ ଅଧିକ ଶକ୍ତିଶାଳୀ ହୋଇଥାଏ ।
⚛ ଋତୁସ୍ରାବ ସମୟରେ କେବଳ ଶାରୀରିକ ସ୍ବାସ୍ଥ୍ୟ ଉପରେ ନୁହେଁ ବରଂ ମାନସିକ ସ୍ବାସ୍ଥ୍ୟ ଉପରେ ମଧ୍ୟ ଏହାର ପ୍ରଭାବ ପଡିଥାଏ । ମୁଡ୍ ସୁଇଂ, ଚିନ୍ତା, ଚାପ ଏବଂ ବିରକ୍ତି ଲାଗିଥାଏ । ଆକ୍ବାଟିକ୍ ଥେରାପି ଦ୍ବାରା ଏହି ସମସ୍ୟାରୁ ମୁକ୍ତି ମିଳିଥାଏ ।
ସପ୍ତାହକୁ 3ଥର ପ୍ରତିଦିନ 1 ଘଣ୍ଟା ଏହି ବ୍ୟାୟାମ କରିବା ଦ୍ବାରା ଋତୁସ୍ରାବର ଯନ୍ତ୍ରଣା କମ୍ ହୋଇଥାଏ ବୋଲି ବିଶେଷଜ୍ଞମାନେ ମତ ପୋଷଣ କରିଛନ୍ତି । ଘରେ ମଧ୍ୟ ଏକ ଛୋଟ ପୋଖରୀ କରି ବି ଏହି ବ୍ୟାୟାମ କରିପାରିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
