ସୁବର୍ଣ୍ଣପୁର: ନଇକୁ ଡେଇଁ ଆତ୍ମହତ୍ୟା ଉଦ୍ୟମ କଲେ ଯୁବକ । ଆଜି(ଶୁକ୍ରବାର) ସଂଧ୍ୟାରେ ଜଣେ ଯୁବକ ସୁବର୍ଣ୍ଣପୁର ବିଜୁ ପଟ୍ଟନାୟକ ମହାନଦୀ ସେତୁ ଉପରୁ କୌଣସି କାରଣରୁ ଡେଇଁ ପଡ଼ିଥିଲେ । ଉପସ୍ଥିତ ଥିବା ଲୋକେ ଯୁବକ ଜଣକୁ ମହାନଦୀକୁ ଡେଇଁ ଦେଖି ସଦର ଅଗ୍ନିଶମ ବିଭାଗକୁ ଖବର ଦେଇଥିଲେ । ଘଟଣାସ୍ଥଳରେ ଅଗ୍ନିଶମ ବାହିନୀର କର୍ମଚାରୀ ପହଞ୍ଚି ଯୁବକଙ୍କୁ ଉଦ୍ଧାର କରିଥିଲେ ।
ଯୁବକ ଜଣକଙ୍କ ଏଭଳି କାଣ୍ଡ ଯୋଗୁଁ ସେତୁ ଉପରେ ଶହଶହ ଲୋକ ଜମା ହୋଇ ଯାଇଥିଲେ । ମହାନଦୀ ସେତୁ ଉପରେ ଗୋଟିଏ ଏଟିଏମ, ମୋବଇଲ, ଚପଲ ଓ ସାଇକେଲ ରଖା ଯାଇଥିବାରୁ ଯୁବକ ଆତ୍ମହତ୍ୟା ପାଇଁ ନଦୀକୁ ଡେଇଁଥିବା ସ୍ପଷ୍ଟ ହୋଇଥିଲା । ଦମକଳ ବାହିନୀ ତୁରନ୍ତ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ଶେଷରେ ମହାନଦୀ ଗର୍ଭରେ ଥିବା ଏକ ଢାପୁରୁ ଯୁବକକୁ ଉଦ୍ଧାର କରାଯାଇଥିଲା ।
ସୁରକ୍ଷିତ ଭାବେ ମହାନଦୀ ଗର୍ଭରୁ ଉଦ୍ଧାର ହୋଇଥିବା ଏହି ଯୁବକ ଜଣକ ସୋନପୁର ଶାନ୍ତିନଗର ପଡାର ସାରଥି ତାଣ୍ଡି ବୋଲି ଜଣାପଡ଼ିଛି । ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଯୁବକଙ୍କୁ ଭର୍ତ୍ତି କରାଯାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
