ସମ୍ବଲପୁର: ଆଗକୁ ଆସୁଛି ଆଲୋକର ପର୍ବ ଦୀପାବଳି । ଏଥିପାଇଁ ମାର୍କେଟରେ ଦୀପର ଚାହିଦା ବଢିବାରେ ଲାଗିଛି । ମର୍କେଟରେ ମଧ୍ୟ ଭଳିକି ଭିଳି ରଙ୍ଗୀନ ଦୀପ ଆସିଛି । ଏହାରି ଭିତରେ ସମ୍ବଲପୁରରେ ମାର୍କେଟକୁ ଆସିଛି ଏସଏଚ୍ଜି ଗ୍ରୁପମାନଙ୍କ ଫ୍ୟାନ୍ସୀ ଦୀପ । ଆଜି ଜିଲ୍ଲା ପ୍ରଶାସନ ତରଫରୁ ସହରର ଗୋଲବଜାର ମାର୍କେଟରେ ଏହି ଦୀପ ବିକ୍ରି କରିବା ପାଇଁ ସ୍ୱତନ୍ତ୍ର ଷ୍ଟଲ ଉଦଘାଟନ କରାଯାଇଛି ।ଏହାକୁ ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ତିଆରି କରିଥିବା ବେଳେ ସମ୍ବଲପୁର ଜିଲ୍ଲା ପ୍ରଶାସନର ମିଶନ ଶକ୍ତି ଓ ଓରମାସ ସହାୟତାରେ ଷ୍ଟଲ କରାଯାଇ ବିକ୍ରି କରାଯାଉଛି । ଏହି ଦୀପ ଏବେ ପାରମ୍ପରିକ ଦୀପ ଅପେକ୍ଷା ଅଧିକ ବିକ୍ରି ହେବ ବୋଲି ଆଶା ରଖାଯାଇଛି ।
ସ୍ୱୟଂ ସହାୟକ ଗୋଷ୍ଠୀର ମହିଳାମାନଙ୍କୁ ସ୍ୱାବଲମ୍ବୀ କରିବା ପାଇଁ ରାଜ୍ୟ ସରକାର ସବୁବେଳେ ବିଭିନ୍ନ ପଦକ୍ଷେପ ନେଉଥିବା ବେଳେ ଆଲୋକର ପର୍ବ ଦୀପାବଳୀ ପାଇଁ ରାଜ୍ୟ ସରକାରଙ୍କ ଓରମାସ, ମିଶନ ଶକ୍ତି ଓ ଜିଲ୍ଲା ପ୍ରଶାସନ ପକ୍ଷରୁ ସ୍ୱୟଂ ସହାୟକ ମହିଳାମାନଙ୍କ ପାଇଁ ଏହି ଷ୍ଟଲ ଆରମ୍ଭ ହୋଇଛି । ଆଗକୁ ଦୀପାବଳି ଥିବା ବେଳେ ଜିଲ୍ଲାର ବିଭିନ୍ନ ଏଚ୍ଏଚଜି ଓ ପିଜି ଗ୍ରୁପମାନଙ୍କୁ ଏକତ୍ରିତ କରି ଗୋଟିଏ ସ୍ଥାନରେ ସେମାନଙ୍କ ଦ୍ୱାରା ପ୍ରସ୍ତୁତ ସବୁ ଦୀପାବଳି ସାମଗ୍ରୀ ବିକ୍ରି ପାଇଁ ଉପଯୁକ୍ତ ବଜାର ସୃଷ୍ଟି କରାଯାଇଛି ।
ଏହା ମଧ୍ୟ ପଢନ୍ତୁ...ଆକର୍ଷଣ ସାଜୁଛି ଧାନ ହସ୍ତଶିଳ୍ପ, ରୋଜଗାରର ସାଜୁଛି ମାଧ୍ୟମ
ସମ୍ବଲପୁର ସହରର ଗୋଲବଜାର ମାର୍କେଟ ଠାରେ ଖୋଲା ଯାଇଥିବା ଏହି ସ୍ୱତନ୍ତ୍ର ଷ୍ଟଲରେ ଜିଲ୍ଲାର ବିଭିନ୍ନ ଏସଏଚ୍ଜି ଓ ଉତ୍ପାଦକ ଗୃପ ପକ୍ଷରୁ ହାତ ତିଆରି ରଙ୍ଗୀନ ଆଉ ଫ୍ୟାନ୍ସୀ ଦୀପ, ଦେବା ଦେବୀଙ୍କ ରଙ୍ଗୀନ ପ୍ରତିମା, ଅନ୍ୟ ପୂଜା ସାମଗ୍ରୀ, ଘରକରଣା ଜିନିଷ, ଫୁଲ ଆଦି ସାମଗ୍ରୀ ଉପଲବ୍ଧ ହେଉଛି । ପାରମ୍ପରିକ ଦୀପ ଅପେକ୍ଷା ଏହି ରଙ୍ଗୀନ ଆଉ ଫ୍ୟାନ୍ସୀ ଦୀପ ବର୍ତ୍ତମାନ ଲୋକଙ୍କ ଆକର୍ଷଣର କେନ୍ଦ୍ର ପାଲଟିଛି ।ସମ୍ବଲପୁର ଜିଲ୍ଲା ପରିଷଦ କାର୍ଯ୍ୟାଳୟର ମୁଖ୍ୟ ଉନ୍ନୟନ ଅଧିକାରୀ ଧର୍ମେନ୍ଦ୍ର ମଲ୍ଲିକ ମୁଖ୍ୟ ଅତିଥି ଭାବରେ ଯୋଗଦେଇ ଏହି ଷ୍ଟଲକୁ ଉଦଘାଟନ କରିଛନ୍ତି । ଏଥିରେ ସମ୍ବଲପୁର ଜିଲ୍ଲା ଓରମାସର ଡେପୁଟି ସିଇଓ ଶ୍ରୀମନ୍ତ ହୋତା ପ୍ରମୁଖ ଉପସ୍ଥିତ ଥିଲେ ।
ଏହା ମଧ୍ୟ ପଢନ୍ତୁ...କୌଳିକ ବୃତ୍ତିକୁ ଛାଡିନାହାନ୍ତି ନବୀନ, ପ୍ଲାଷ୍ଟିକ ଯୁଗରେ ତିଆରି କରୁଛନ୍ତି ଭଳିକି ଭଳି ସାମଗ୍ରୀ
ଏହା ମଧ୍ୟ ପଢନ୍ତୁ...ସକ୍ଷମ ହେଉଛନ୍ତି ମହିଳା, ଡିମାଣ୍ଡରେ ହାତ ତିଆରି ସାମଗ୍ରୀ
ଇଟିଭି ଭାରତ,ସମ୍ବଲପୁର
