ଖୋର୍ଦ୍ଧା: ଜିଲ୍ଲାର 16 ନମ୍ବର ଜାତୀୟ ରାଜପଥ ନାଚୁଣି ଫାଣ୍ଡି ନିକଟ ହରିକୁଣ୍ଡ ବରଡି ଛକ ନିକଟରେ ଟ୍ରକକୁ ପଛପଟୁ ପିଟିଲା ଟ୍ରକ । ଦୁର୍ଘଟଣାରେ ଟ୍ରକ ସହ ଜୀବନ୍ତ ଦଗ୍ଧ ହେଲେ ଟ୍ରକ ଭିତରେ ଥିବା ଡ୍ରାଇଭର । ହେଲପର ଆହତ ହୋଇଥିବା ବେଳେ ଘଟଣା ସ୍ଥଳରେ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଛି ।
ଜାତୀୟ ରାଜପଥରେ ମର୍ମନ୍ତୁଦ ସଡକ ଦୁର୍ଘଟଣା: ଡ୍ରାଇଭର ଜୀବନ୍ତ ଦଗ୍ଧ
ନିଆଁ ଲିଭା କାର୍ଯ୍ୟ ପରେ ଟ୍ରକ ଭିତରୁ ମୃତ ଡ୍ରାଇଭରଙ୍କ ମୃତଦେହ ଉଦ୍ଧାର କରାଯାଇଛି । ଟ୍ରକଟି ବ୍ରହ୍ମପୁରରୁ ଭୁବନେଶ୍ବର ଆସୁଥିବାର ସୂଚନା ରହିଛି । ତେବେ କେଉଁ ପରିସ୍ଥିତିରେ ଦୁର୍ଘଟଣା ହେଲା ସେନେଇ ନାଚୁଣି ଫାଣ୍ଡି ପୋଲିସ ତଦନ୍ତ କରୁଛି । ମୃତ ଡ୍ରାଇଭରଙ୍କ ପରିଚୟ ମିଳିପାରିନାହିଁ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
