ETV Bharat / state

ଟ୍ୟାଙ୍କର ଧକ୍କାରେ ୫ ବର୍ଷର ଶିଶୁ ମୃତ ଓ ମାଆ ଗୁରୁତର, ହମ୍ପସ ନିର୍ମାଣ ଦାବିରେ ରାସ୍ତାରୋକ

author img

By ETV Bharat Odisha Team

Published : Oct 17, 2023, 3:26 PM IST

ଖୋର୍ଦ୍ଧା ଜିଲ୍ଲା ୫୭ନମ୍ବର ଜାତୀୟ ରାଜପଥ ଭାଲିଆବାଡି ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା । ସ୍କୁଟି ସହ ଟ୍ୟାଙ୍କର ଧକ୍କାରେ ସ୍କୁଲ ଛାତ୍ର ମୃତ, ମାଆ ଗୁରୁତର । ସେପଟେ ହମ୍ପସ ନିର୍ମାଣ ଦାବିରେ ସ୍ଥାନୀୟଲୋକଙ୍କ ରାସ୍ତା ଅବରୋଧ । ଅଧିକ ପଢନ୍ତୁ

Etv Bharat
ଟ୍ୟାଙ୍କର ଧକ୍କାରେ ୫ବର୍ଷ ସ୍କୁଲ ଛାତ୍ର ମୃତ, ମାଆ ଗୁରୁତର, ହମ୍ପସ ନିର୍ମାଣ ଦାବିରେ ସ୍ଥାନୀୟଲୋକଙ୍କ ରାସ୍ତାରୋକ

ଟ୍ୟାଙ୍କର ଧକ୍କାରେ ୫ବର୍ଷ ସ୍କୁଲ ଛାତ୍ର ମୃତ, ମାଆ ଗୁରୁତର, ହମ୍ପସ ନିର୍ମାଣ ଦାବିରେ ସ୍ଥାନୀୟଲୋକଙ୍କ ରାସ୍ତାରୋକ

ଖୋର୍ଦ୍ଧା: ସ୍କୁଟି ସହ ଟ୍ୟାଙ୍କର ଧକ୍କାରେ ସ୍କୁଲ ଛାତ୍ର ମୃତ, ମାଆ ଗୁରୁତର । ଖୋର୍ଦ୍ଧା ଜିଲ୍ଲା ୫୭ନମ୍ବର ଜାତୀୟ ରାଜପଥ ଭାଲିଆବାଡି ଛକରେ ସଡ଼କ ଦୁର୍ଘଟଣା ଘଟିଛି । ସ୍କୁଟି ସହ ଟ୍ୟାଙ୍କର ଧକ୍କାରେ ମାଆ ଗୁରୁତର ଆହତ ହୋଇଥିବା ବେଳେ ୫ବର୍ଷୀୟ ପୁଅର ଘଟଣା ସ୍ଥଳରେ ମୃତ୍ୟୁ ଘଟିଛି । ଗୁରୁତର ମହିଳାଙ୍କୁ ପ୍ରଥମେ ଖୋର୍ଦ୍ଧା ମେଡିକାଲ ପରେ ଅବସ୍ଥା ସଙ୍କଟାପନ୍ନ ହେବାରୁ ଭୁବନେଶ୍ବର ସ୍ଥାନାନ୍ତର କରାଯାଇଛି । ଅନ୍ୟପଟେ ଦୁର୍ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ବହୁ ସମୟ ଧରି ଉତ୍ତେଜନା ଦେଖିବାକୁ ମିଳିଥିଲା । ଛକରେ ହମ୍ପସ ନିର୍ମାଣ ଦାବିରେ ଗାଁ ଲୋକେ ରାସ୍ତାରୋକ କରିଥିଲେ ।

ଏହାମଧ୍ୟ ପଢନ୍ତୁ..ବଲାଙ୍ଗୀରରେ ସଡ଼କ ଦୁର୍ଘଟଣା, ଟ୍ରକ-ବୋଲେରୋ ମୁହାଁମୁହିଁ ଧକ୍କା ହେବାରୁ 2 ମୃତ

ମଙ୍ଗଳବାର ଖୋର୍ଦ୍ଧା ଜିଲ୍ଲା ୫୭ନମ୍ବର ଜାତୀୟ ରାଜପଥ ଭାଲିଆବାଡି ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ସ୍କୁଟି ସହ ଟ୍ୟାଙ୍କର ଧକ୍କାରେ ଜଣେ 5 ବର୍ଷୀୟ ଛାତ୍ରଙ୍କ ମୃତ୍ୟୁ ହୋଇଥିବା ବେଳେ ଜଣେ ମହିଳା ଗୁରୁତର ଆହତ ହୋଇଛନ୍ତି । ଗୁରୁତରଙ୍କୁ ପ୍ରଥମେ ଖୋର୍ଦ୍ଧା ମେଡିକାଲ ପରେ ଅବସ୍ଥା ସଙ୍କଟାପନ୍ନ ହେବାରୁ ଭୁବନେଶ୍ବର ସ୍ଥାନାନ୍ତର କରାଯାଇଛି । ତେବେ ସ୍ଥାନୀୟ ଲୋକଙ୍କ ସୂଚନା ଅନୁଯାୟୀ, ଆଜି ସକାଳ ସମୟରେ ବିଡିଏ କଲୋନୀ ସ୍ଥିତ ସିଗମା ପବ୍ଲିକ ସ୍କୁଲରେ ଏଲକେଜିରେ ବିନାୟକ ଦାସ ପାଠ ପଢନ୍ତି । ଆଜି ପରୀକ୍ଷା ସାରି ବୈଜୟନ୍ତି ସ୍କୁଟିରେ ପୁଅ ବିନାୟକକୁ ଧରି ଘରକୁ ଫେରୁଥିଲେ । ଏହି ସମୟରେ ପଛପଟୁ ଦ୍ରୁତଗତିରେ ଆସୁଥିବା ଏକ ଟ୍ରକ ଧକ୍କା ଦେଇଥିଲା । ବୈଜୟନ୍ତି ଛିଟିକି ପଡି ଗୁରୁତର ଆହତ ହୋଇଥିଲେ । ବିନାୟକ ତଳେ ପଡି ଯାଇଥିଲେ । ଟ୍ରକ ତାଙ୍କ ଉପରେ ଚଢିଯାଇଥିଲା । ଘଟଣା ସ୍ଥଳରେ ତାର ମୃତ୍ୟୁ ଘଟିଥିଲା ।

ଏହାମଧ୍ୟ ପଢନ୍ତୁ..ଦୁର୍ଘଟଣାରେ ପ୍ରାଣ ହରାଇଲେ ଛାତ୍ର, କ୍ଷତିପୂରଣ ଦାବିରେ ଜାତୀୟ ରାଜପଥରେ ଉତ୍ତେଜନା

ଅନ୍ୟପଟେ ଦୁର୍ଘଟଣା ଘଟାଇ ଟ୍ରକ ଚାଳକ ଖସିଯିବାକୁ ଉଦ୍ୟମ କରୁଥିବା ବେଳେ ସ୍ଥାନୀୟ ଲୋକେ ଗୋଡାଇ ନୂଆ ବସଷ୍ଟାଣ୍ଡ ଛକରେ ଧରିଥିଲେ । ଏହାପରେ ପୋଲିସ ଖବର ଦେବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଟ୍ରକ ଚାଳକ ଓ ହେଲପରଙ୍କୁ ଧରି ପୋଲିସର ଜିମା ଦେଇଛନ୍ତି ସ୍ଥାନୀୟ ଲୋକେ ।

ଅନ୍ୟପଟେ ଭାଲିଆବାଡି ଛକରେ ହମ୍ପ୍ସ ନଥିବା ଯୋଗୁ ଗାଡି ଗୁଡିକ ଦ୍ରୁତ ଗତିରେ ଆସୁଛି । ଯେଉଁଥିପାଇଁ ବାରମ୍ବାର ଏଭଳି ଦୁର୍ଘଟଣା ଘଟୁଥିବା ଅଭିଯୋଗ କରିଛନ୍ତି ସ୍ଥାନୀୟ ଲୋକେ । ତେବେ ଏହି ଛକରେ ଏକ ହମ୍ପସ ନିର୍ମାଣ କରିବାକୁ ଦାବି କରି ରାସ୍ତା ଅବରୋଧ କରିଥିଲେ ସ୍ଥାନୀୟ ଲୋକେ । ଫଳରେ ଦୀର୍ଘ ସମୟ ଧରି ରାସ୍ତାର 2 ପାର୍ଶ୍ବରେ ଗାଡିମଟର ଅଟକି ରହିଥିଲା । ତେବେ ପୋଲିସ ଆସି ବୁଝାସୁଝା କରିବା ପରେ ଓ ହମ୍ପସ ନିର୍ମାଣ ନେଇ ପ୍ରତିଶ୍ରୁତି ମିଳିବା ପରେ ଧାରଣା ପ୍ରତ୍ୟାହୃତ ହୋଇଥିଲା ।


ଇଟିଭି ଭାରତ, ଖୋର୍ଦ୍ଧା

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.