ଭବାନୀପାଟଣା: ମା’ର ମୃତଦେହ ନିକଟରେ ଥିବା ୨ ବର୍ଷୀୟ ଶିଶୁକୁ ଉଦ୍ଧାର କଲା କଳାହାଣ୍ଡି ଜିଲ୍ଲା ଶିଶୁ ବିଭାଗ । ପୋଲିସ ସହାୟତାରେ ଶିଶୁକୁ ଉଦ୍ଧାର କରିଛି କଳାହାଣ୍ଡି ଶିଶୁ ମଙ୍ଗଳ ସମିତି ।
ମା ମୃତଦେହ ନିକଟରେ ୨ ବର୍ଷ ଶିଶୁ ରହିବା ଘଟଣା
କଳାହାଣ୍ଡି ଜିଲ୍ଲା ଭବାନୀପାଟଣା ସହର ଦର୍ପଣ ସାଗର ପଡ଼ାରେ ଗତ ୬ ତାରିଖରେ ମା ମୃତଦେହ ନିକଟରେ ମା ହାତକୁ ଧରି ୨ ବର୍ଷର ଶିଶୁ ପୁଅ ଚାହିଁ ରହିବା ଘଟଣା ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଥିଲା । ତେବେ ଶିଶୁଟିର ପରିବାର କୌଣସି ପରିଚୟ ମିଳିନଥିବା ବେଳେ ଶିଶୁକୁ ଉଦ୍ଧାର କରିବା ସହ ଶିଶୁ ଯତ୍ନ ଅନୁଷ୍ଠାନରେ ରଖିଛି ଜିଲ୍ଲା ଶିଶୁ ମଙ୍ଗଳ ସମିତି।
ଏହା ସହ ଶିଶୁଟିର ପରିବାର କିମ୍ବା ଶିଶୁଟିର ସମ୍ପର୍କୀୟଙ୍କୁ ଖୋଜି ବାହାର କରିବା ପାଇଁ ପୋଲିସକୁ ନିର୍ଦ୍ଦେଶ ଦିଆଯାଇଥିବା ସୂଚନା ଦେଇଛି ଜିଲ୍ଲା ଶିଶୁ ମଙ୍ଗଳ ସମିତି।
କଳାହାଣ୍ଡିରୁ ଅଜିତ ସିଂ,ଇଟିଭି ଭାରତ
