କଳାହାଣ୍ଡି: ରାତ୍ରୀ ଭୋଜନ ଖାଇ 37 ଛାତ୍ରୀ ଅସୁସ୍ଥ । କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକ ଭଟାଙ୍ଗପଦର ୟୁଜି ହାଇସ୍କୁଲରେ ରାତ୍ରୀଭୋଜନ ଖାଇ 37 ଛାତ୍ରୀ ଅସୁସ୍ଥ ହୋଇଛନ୍ତି । ରାତ୍ରୀ ଭୋଜନ ଖାଇବା ପରେ ଛାତ୍ରୀଙ୍କ ମୁଣ୍ଡ ବୁଲାଇବା ସହ ବାନ୍ତି ହୋଇଥିବା ଅଭିଯୋଗ ହୋଇଥିଲା ।
ଅସୁସ୍ଥ ଛାତ୍ରୀମାନଙ୍କୁ ଭବାନୀପାଟଣା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ପରେ ଡାକ୍ତର ପରୀକ୍ଷା କରିବା ପରେ ସମସ୍ତଙ୍କୁ ସ୍କୁଲ ହଷ୍ଟେଲକୁ ପଠାଇ ଦିଆଯାଇଛି । ଅନ୍ୟପଟେ ଛାତ୍ରୀଙ୍କ କହିବା ଅନୁଯାୟୀ, ରାତ୍ର ଭୋଜନ ଖାଇବା ପୁର୍ବରୁ ସମସ୍ତେ ଠିକ ଥିଲେ ମାତ୍ର, ରାତ୍ର ଭୋଜନ ଖାଇବା ପରେ ଜଣଙ୍କ ପରେ ଜଣଙ୍କ ସ୍ବାସ୍ଥ୍ୟାବସ୍ଥା ଖରାପ ହେବାରେ ଲାଗିଥିଲା । ପରେ ସମସ୍ତ ଛାତ୍ରୀଙ୍କୁ ୱାଡେନ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ।
ତେବେ ଏ ନେଇ ପ୍ରଧାନ ଶିକ୍ଷକଙ୍କୁ ପଚାରିବାରୁ ଠିକ ଭାବରେ ଉତ୍ତର ରଖିପାରି ନଥିଲେ । ବର୍ତ୍ତମାନ ସମସ୍ତ ଛାତ୍ରୀଙ୍କ ସ୍ବାସ୍ଥ୍ୟାବସ୍ଥା ଠିକ ଥିବା କହିଛନ୍ତି ଡାକ୍ତର ।
ଏନେଇ କିଛି ଅଧିକ ଚିନ୍ତା କରିବାର ନାହିଁ । ଏବେ ସମସ୍ତେ ସୁସ୍ଥ ଥିବା ସହ ଭାଇରାଲ ଫିବର ହୋଇଥିବା କହିଛନ୍ତି ।
କଳାହାଣ୍ଡିରୁ ଅଜିତ କୁମାର ସିଂହ, ଇଟିଭି ଭାରତ
