ଯାଜପୁର: ଗୋମାଂସ ବୋଝେଇ କଣ୍ଟେନର ଜବତ । କୁଆଖିଆ ଥାନା ଅନ୍ତର୍ଗତ 16ନଂ ଜାତୀୟ ରାଜପଥ ବିଲିପଡ଼ା ନିକଟରୁ ଗୋମାଂସ ବୋଝେଇ କଣ୍ଟେନର ଜବତ ।
ସୂଚନା ଅନୁଯାୟୀ ସମ୍ବଲପୁରରୁ କୋଲକାତା ଅଭିମୁଖେ DL1GC-4302ନମ୍ବର କଣ୍ଟେନର ୧୬ ନଂ ଜାତୀୟ ରାଜପଥରେ ଯାଉଥିବା ବେଳେ ବଜରଙ୍ଗ ଦଳର କିଛି ଯୁବକ କଣ୍ଟେନର ମଧ୍ୟରେ ଗୋମାଂସ ଥିବା ସନ୍ଦେହ କରି ଅଟକାଇ କୁଆଖିଆ ଥାନାକୁ ଅବଗତ କରିଥିଲେ । କୁଆଖିଆ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ଗୋମାଂସ କଣ୍ଟେନର ସହ ଚାଳକକୁ ଜବତ କରି କୁଆଖିଆ ଥାନାକୁ ଆଣିଥିଲେ । ରସୁଲପୁର ପଶୁ ଚିକିତ୍ସକ ସୁନାକାର ସାମଲଙ୍କ ଉପସ୍ଥିତରେ କଣ୍ଟେନର ଚାବି ଖୋଲାଗଲା ପରେ ଉକ୍ତ ମାଂସକୁ ପୋଲିସ ପରିତ୍ୟକ୍ତ ସ୍ଥାନରେ ପୋତିଦେଇଥିବା ଜଣାପଡିଛି ।
ପୋଲିସ୍ କଣ୍ଟେନର ଡ୍ରାଇଭର ବାପି ମଣ୍ଡଳ ଓ ହେଲପର ଜାଭେଦ୍ ମଣ୍ଡଳକୁ ଗିରଫ କରି କୋର୍ଟ ଚାଲାଣ କରି ଅଧିକ ତଦନ୍ତ କରୁଛି । ତେବେ ଏ ଭଳି ବେଆଇନ ଭାବରେ ବେଧଡକ ଗୋମାଂସ ଚାଲାଣ ଚାଲିଛି ବୋଲି ବଜରଙ୍ଗଦଳ ଅଭିଯୋଗ କରିଛି । ପୋଲିସ ପ୍ରଶାସନ ଦୃଢ ପଦକ୍ଷେପ ଗ୍ରହଣ କଲେ ଗୋମାଂସ ଚାଲାଣ ଉପରେ ରୋକ ଲାଗିବ ବୋଲି ବଜରଙ୍ଗ ଦଳ ଦାବି କରିଛି ।
ଯାଜପୁରରୁ ଜ୍ଞାନରଞ୍ଜନ ଓଝା,ଇଟିଭି ଭାରତ
