ଯାଜପୁର: ବରୀ ଗୋଳକୁଣ୍ଡ ବଜାର ନିକଟରେ ଯାତ୍ରୀବାହୀ ବସ ଓଲଟି ୭ ଯାତ୍ରୀ ଗୁରୁତର । ଗୋଳକୁଣ୍ଡରୁ କଟକ ଅଭିମୁଖେ ମା ମଙ୍ଗଳା ନାମକ ବସଟି ଯାତ୍ରା କରୁଥିଲା। ଗୋଳକୁଣ୍ଡ ବଜାର ନିକଟରେ ଭାରସାମ୍ୟ ହରାଇ ରାସ୍ତାକଡ଼କୁ ଓଲଟି ପଡିବାରୁ ୭ ଯାତ୍ରୀ ଗୁରୁତର ହୋଇଛନ୍ତି ।
ଯାତ୍ରୀବାହୀ ବସ ଓଲଟି 7 ଗୁରୁତର
ଆହତ ଯାତ୍ରୀଙ୍କୁ ପ୍ରଥମେ ବ୍ରହ୍ମବରାଦା ସ୍ବାସ୍ଥ୍ୟକେନ୍ଦ୍ର ଓ ପରେ ଅଧିକ ସଙ୍କଟାପନ୍ନ ହେବାରୁ ଧର୍ମଶାଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଚିକିତ୍ସା ପାଇଁ ସ୍ଥାନାନ୍ତର କରାଯାଇଛି । ଏପରିକି ବରୀ ଏବଂ ତାହାର ପାଖାପାଖି ଅଞ୍ଚଳରେ ଅଧିକାଂଶ ଘରୋଇ ବସରେ ପରମିଟ ଓ ଫିଟନେଶ ନ ଥିବାସହ ଗାଡିର ଧାର୍ଯ୍ୟସୀମା ଠାରୁ ଅତ୍ୟଧିକ ଯାତ୍ରୀ ପରିବହନ କରିବା ସାଧାରଣରେ ଅଭିଯୋଗ ହେଉଛି । ତେବେ ବର୍ତ୍ତମାନ ସୁଦ୍ଧା କୌଣସି ଯାତ୍ରୀ ମୃତାହତ ହୋଇଥିବାର ସୂଚନା ମିଳିନି । କେଉଁ କାରଣରୁ ବସଟି ଓଲଟି ପଡିଛି ତାହା ବର୍ତ୍ତମାନ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ।
ଯାଜପୁରରୁ ଜ୍ଞାନରଞ୍ଜନ ଓଝା,ଇଟିଭି ଭାରତ
