ଜଗତସିଂହପୁର: ନେତାଙ୍କୁ ଥଇଥାନ କରୁଛି ବିଜେଡ଼ି । ଜଗତସିଂହପୁର ଜିଲ୍ଲାର ବିଜେଡ଼ି ଜିଲା ସଭାପତି ଅମରେନ୍ଦ୍ର ଦାସଙ୍କୁ ରାଜ୍ୟ କାଜୁ ନିଗମ ଅଧ୍ୟକ୍ଷ ଭାବେ ଦାୟିତ୍ବ ଦେଇଛି ରାଜ୍ୟ ସରାକାର । ଏନେଇ ବିଜେଡ଼ି ଶିବିର ରେ ଆନନ୍ଦର ଲହରୀ ଖେଳିଯାଇଛି ।
ସୂଚନା ଅନୁସାରେ ସାଧାରଣ ନିର୍ବାଚନରେ ବିଜେଡି ଟିକେଟ ଆସାଇ ଥିଲେ ଅମରେନ୍ଦ୍ର ଦାସ । କିନ୍ତୁ ବିଜେଡି ସୁପ୍ରିମୋ ତତ୍କାଳୀନ ବାଲିକୁଦା-ଏରସମା ବିଧାୟକ ପ୍ରଶାନ୍ତ କୁମାର ମୁଦୁଲୀଙ୍କୁ ଜଗତସିଂହପୁର ପାଇଁ ଟିକେଟ ଦେଇଥିଲେ । ଏହାକୁ ନେଇ ନାଉଗାଁରେ ପ୍ରଶାନ୍ତ ଓ ଅମରେନ୍ଦ୍ରଙ୍କ ସମର୍ଥକଙ୍କ ମଧ୍ୟରେ ସଂଘର୍ଷ ହୋଇଥିଲା ।
ଦଳ ସୁପ୍ରିମୋ ଏଥିରେ ହସ୍ତକ୍ଷେପ କରି ଜିଲ୍ଲା ସଭାପତି ଭାବେ ଅମରେନ୍ଦ୍ର ଦାସଙ୍କୁ ନିଯୁକ୍ତ କରିଥିଲେ। ତେବେ ଶୁକ୍ରବାର ତାଙ୍କୁ ରାଜ୍ୟ କାଜୁନିଗମ ଅଧକ୍ଷ ଭାବେ ନିଯୁକ୍ତି ମିଳିଛି । ଏହାକୁ ନେଇ ସନ୍ତୋଷ ପ୍ରକାଶ କରିଛନ୍ତି ଅମରେନ୍ଦ୍ର ଦାସ ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ