ବିରିଡି(ଜଗତସିଂହପୁର): ଦେବୀ ନଦୀ ପଠାରୁ ଉଦ୍ଧାର ହେଲା ନିଖୋଜ ଥିବା ବିଜେପି ନେତାଙ୍କ ମରଶରୀର । ତାଙ୍କର ନାମ କବି ପ୍ରସାଦ ଦାଶ ଓ ବୟସ ୬୭ ବର୍ଷ ବୋଲି ଜଣାପଡିଥିବାବେଳେ ସ୍ଥାନୀୟ ବିରିଡି ଅଞ୍ଚଳରେ ତାଙ୍କର ଘର । ଗତ ୪ ତାରିଖ ଠାରୁ ସେ ନିଖୋଜ ଥିଲେ । ପରିବାର ଲୋକେ ବହୁ ଖୋଜାଖୋଜି କରିଥିଲେ ମଧ୍ୟ କୌଣସି ପତ୍ତା ମିଳିନଥିଲା । ପରେ ନିରାଶ ହୋଇ ବିରିଡି ଥାନାରେ ଅଭିଯୋଗ କରିଥିଲେ।
ତେବେ ସ୍ଥାନୀୟ ଦେବୀନଦୀ ପଠାରେ ଆଜି ଏକ ମୃତଦେହ ଭାସୁଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ପରେ ଲୋକେ ବିରିଡି ଥାନାକୁ ଖବର ଦେଇଥିଲେ । ଏହାପରେ ପୋଲିସ ପହଞ୍ଚି ମୃତଦେହ ଉଦ୍ଧାର କରିଥିଲା ।
ତେବେ ନିଖୋଜ ଅଭିଯୋଗ କରିଥିବା କବି ପ୍ରସାଦଙ୍କ ପରିବାରଙ୍କୁ ଖବର ମୃତଦେହ ଚିହ୍ନଟ ପାଇଁ ପୋଲିସ ଖବର ଦେବାପରେ ପରିବାର ସଦସ୍ୟ ପହଞ୍ଚି ଚିହ୍ନଟ କରିଥିଲେ । ଏହାପରେ ବିରିଡି ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ଜଗତସିଂହପୁର ପଠାଇଛି । ଏଥିସହ ଜଣେ ୬୭ ବର୍ଷୀୟ ବୃଦ୍ଧଙ୍କୁ କିଏ, କାହିଁକି ହତ୍ୟା କରିଛି ନାଁ ଏହା ଆତ୍ମହତ୍ୟା ପୋଲିସ ଯାଞ୍ଚ ଆରମ୍ଭ କରିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
