ଜଗତସିଂହପୁର: ଜିଲ୍ଲାର ଅଧିଷ୍ଠାତ୍ରୀ ଦେବୀ ମାଆ ଶାରଳାଙ୍କ ମନ୍ଦିରରେ ଆଜିଠାରୁ 144 ଧାରା ଜାରି କରିଛି ପ୍ରଶାସନ । ଶାରଦୀୟ ପୂଜାରେ ଭିଡ଼କୁ ଏଡ଼ାଇବା ପାଇଁ ଏହି କଟକଣା ଜାରି କରିିଛି ପ୍ରଶାସନ । ଅକ୍ଟୋବର 14 ତାରିଖ ପର୍ଯ୍ୟନ୍ତ ଆଜି ଦେବୀ ମାଆ ଶାରଳାଙ୍କ ମନ୍ଦିରରେ ଏହି କଟକଣା ବଳବତ୍ତର ରହିବ ।
ଆଗକୁ ମହାଷ୍ଟମୀ ପୂଜା ହେବାକୁ ଥିବାରୁ ପ୍ରବଳ ଜନ ସମାଗମ ଆଶଙ୍କା ରହିଛି । ଏହାକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ମନ୍ଦିର ପରିସରରେ 144 ଧାରା ଜାରି କରିବାକୁ ନିଷ୍ପତ୍ତି ନେଇଛି । ମନ୍ଦିର ବେଢ଼ା ସହିତ ୨୦ ମିଟର ପରଧି ମଧ୍ୟରେ କୌଣସି ଭକ୍ତଙ୍କ ପ୍ରବେଶ ଉପରେ କଟକଣା ଜାରି ହୋଇଛି । ଅନ୍ୟପକ୍ଷରେ ମନ୍ଦିର ପ୍ରବେଶ ପଥ ଓ ମନ୍ଦିରକୁ ଯୋଡୁ଼ୁଥିବା ଜଗତସିଂହପୁର ଓ ପାରାଦୀପ ଶାରଳା ରୋଡ୍କୁ ସିଲ୍ କରାଯାଇଛି । କୋଭିଡ ସଂକ୍ରମଣ ରୋକିବାକୁ ପ୍ରଶାସନ ଏହି ପଦକ୍ଷେପ ଗ୍ରହଣ କରିଛି।
ମହାସପ୍ତମୀରେ ମାଆଙ୍କର ବିଶେଷ ନୀତିକାନ୍ତି ଅନୁଷ୍ଠିତ ହେଉଥିବା ବେଳେ ଆଜି ସନ୍ଧିପୂଜା ଓ ଅନ୍ୟାନ୍ୟ ନୀତି ସମ୍ପାଦନ କରାଯିବ । ଭକ୍ତମାନଙ୍କ ମନ୍ଦିର ପ୍ରବେଶ ଓ ଦର୍ଶନ ବାରଣ କରାଯାଇଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
