ବ୍ରହ୍ମପୁର: ଗଞ୍ଜାମ ଜିଲ୍ଲାର ବିଭିନ୍ନ ଥାନାରେ ପହଞ୍ଚି କୋଭିଡ ସ୍ଥିତି ଅନୁଧ୍ୟାନ କଲେ ବ୍ରହ୍ମପୁର ଏସ.ପି ପିନାକ୍ ମିଶ୍ର । କୋଭିଡ ଯୋଦ୍ଧା ପୋଲିସ କର୍ମଚାରୀଙ୍କ ମନୋବଳ ଦୃଢ କରିବାକୁ ସେ ପୋଲିସ ପୋଷ୍ଟ ବୁଲି ଦେଖିଛନ୍ତି ।
ଏସପି ଜିଲ୍ଲାର ବିଭିନ୍ନ ଥାନା ଓ ପୋଲିସ ପୋଷ୍ଟରେ ପହଞ୍ଚି ସେଠାରେ ରହିଥିବା ପୋଲିସ ଅଧିକାରୀ ଏବଂ କର୍ମଚାରୀଙ୍କ ସହିତ ଆଲୋଚନା କରିଛନ୍ତି । ପୋଲିସ ଥାନା ଏବଂ ପୋଷ୍ଟରେ ସାଧାରଣ ଜନତାଙ୍କୁ ସୁରକ୍ଷା ଦେବା ପାଇଁ ପୋଲିସ କର୍ମଚାରୀମାନେ କୋଭିଡ ଯୁଦ୍ଧରେ ନିଜକୁ ସୁରକ୍ଷିତ ରଖିବାକୁ ପଦକ୍ଷେପ ଗ୍ରହଣ କରିବାର ଆବଶ୍ୟକତା ରହିଛି । ବିଶୋଧନ ପ୍ରକ୍ରିୟା କିଭଳି କରାଯିବ ଏବଂ ସେମାନଙ୍କ ମନୋବଳ ବୃଦ୍ଧି ନେଇ ବିଭିନ୍ନ ବିଷୟକୁ ଅନୁଧ୍ୟାନ କରିଥିବା ଜିଲ୍ଲା ପୋଲିସ ମୁଖ୍ୟାଳୟ ପକ୍ଷରୁ ଟୁଇଟ୍ କରି ସୂଚନା ଦିଆଯାଇଛି ।
ସୂଚନାଯୋଗ୍ୟ, ରାଜ୍ୟରେ ସଂକ୍ରମଣ ଆରମ୍ଭ ହେବା ପରେ ସର୍ବାଧିକ କୋରୋନା ଗଞ୍ଜାମ ଜିଲ୍ଲାରୁ ଚିହ୍ନଟ ହୋଇଥିଲା । ବର୍ତ୍ତମାନ ସଠିକ ରଣନୀତି ଓ କାର୍ଯ୍ୟାନୁଷ୍ଠାନ ପରେ ଏଠାରେ ସଂକ୍ରମିତ ମାମଲାରେ ହ୍ରାସ ପାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ ଇଟିଭି ଭାରତ