ଗଜପତି: ଦିନିକିଆ ଗଜପତି ଜିଲ୍ଲା ଗସ୍ତ କରିଛନ୍ତି ପୋଲିସ ଡିଜି ଅଭୟ । ଏହି ଗସ୍ତ ସମୟରେ ଜିଲ୍ଲା ପୋଲିସର କାର୍ଯ୍ୟକଳାପ ଉପରେ ଅନୁଧ୍ୟାନ କହିଛନ୍ତି । ଜିଲ୍ଲାରେ ଗଞ୍ଜେଇ କାରବାର ବୃଦ୍ଧି ପାଉଥିବାରୁ ଏ ଦିଗରେ ରଣନୀତି ପ୍ରସ୍ତୁତ କରିଛନ୍ତି । ପ୍ରଥମେ ପୋଲିସ ଡିଜି ଏସପିଙ୍କ କାର୍ଯ୍ୟାଳୟରେ ପହଞ୍ଚି ଜିଲ୍ଲା ପୋଲିସର କାର୍ଯ୍ୟକଳାପ ଉପରେ ଅନୁଧ୍ୟାନ କରିଥିଲେ । ବିଶେଷକରି ଜିଲ୍ଲାରେ ଦିନକୁ ଦିନ ଗଞ୍ଜେଇ କାରବାର ବୃଦ୍ଧି ପାଉଥିବାରୁ ଏହାର ମୂଳ ପର୍ଯ୍ୟନ୍ତ ପହଞ୍ଚି ଗଞ୍ଜେଇ ମୁକ୍ତ ଜିଲ୍ଲା କରିବାକୁ ଜିଲ୍ଲା ପୋଲିସ ଅଧିକାରୀଙ୍କ ସହ ରଣନୀତି ବିଷୟରେ ଆଲୋଚନା କରିଛନ୍ତି ।
ଜିଲ୍ଲାର ଅଡବା, ମୋହନା ଓ ଆର ଉଦୟଗିରି ଥାନାରେ ଗଞ୍ଜେଇ ଚାଲାଣ ନେଇ ମାମଲା ବୃଦ୍ଧି ପାଉ ଥିବାବେଳେ ଏଥିରେ ରୋକ୍ ଲଗାଇବା ନେଇ ଜିଲ୍ଲାର ପୋଲିସ ଅଧିକାରୀଙ୍କ ସହ ଆଲୋଚନା କରିଛନ୍ତି । ଏଥିସହିତ ଜିଲ୍ଲା ପୋଲିସରେ ରହିଥିବା ବିଭିନ୍ନ ସମସ୍ୟା ସମ୍ପର୍କରେ ମଧ୍ୟ ପୋଲିସ ଅଧିକାରୀଙ୍କ ସହ ଆଲୋଚନା କରିଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
