ଢେଙ୍କାନାଳ: ଲଘୁଚାପ ଜନିତ ଲଗାଣ ବର୍ଷାରେ ବେହାଲ ଢେଙ୍କାନାଳ ଜିଲ୍ଲା। ଏହି ଲଗାଣ ବର୍ଷା କାରଣରୁ ଅନେକ ଧନ ଜୀବନ ନଷ୍ଟ ହୋଇଥିବା ବେଳେ ଢେଙ୍କାନାଳ ଜିଲ୍ଲା ସଦର ବ୍ଲକ ଅନ୍ତର୍ଗତ ଦୁର୍ଗା ପ୍ରାସାଦ ଗ୍ରାମରେ ଘଟିଛି ଅଘଟଣ । ଏହି ଗ୍ରାମର କନ୍ଧ ସାହିର ଟିମନ ଦେହୁରୀଙ୍କ ଘର କାନ୍ଥ ପଡି ୧୧ ଛେଳି ଓ ମେଣ୍ଢାଙ୍କ ମୃତ୍ୟୁ ହୋଇଛି ।
ଲଘୁଚାପ ଜନିତ ଲଗାଣ ବର୍ଷା, କାନ୍ଥ ଭୁଶୁଡି ୧୧ଟି ଛେଳି ମେଣ୍ଢା ମୃତ
ତେବେ ଗତକାଲି(ରବିବାର) ରାତିରୁ ଝିପ ଝିପ ବର୍ଷା ଲାଗିରହିଥିବା ବେଳେ ଢେଙ୍କାନାଳ ଜିଲ୍ଲାରେ ଆଜି ସକାଳ ୯ ଟା ସୁଧା ହାରାହାରି ୪୪.୧ ମିଲିମିଟର ବର୍ଷା ରେକର୍ଡ କରାଯାଇଛି । ସେହିପରି ଗଁନ୍ଦିଆ ବ୍ଲକରେ ସର୍ବାଧିକ ୮୦ ମିଲିମିଟର ଓ ଓଡ଼ପଡା ବ୍ଲକରେ ସର୍ବନିମ୍ନ ୧୪ ମିଲିମିଟର ବର୍ଷା ରେକର୍ଡ କରାଯାଇଛି ।
ଜିଲ୍ଲା ଦେଇ ଯାଇଥିବା ବ୍ରାହ୍ମଣୀ ନଦୀର ଜଳ ସ୍ତର ସାମାନ୍ୟ ବଢିଥିଲେ ମଧ୍ୟ ଢେଙ୍କାନାଳ ଜିଲ୍ଲାପାଇଁ ବିପଦମୁକ୍ତ ରହିଛି । ମାତ୍ର ଅନ୍ୟ ଉପନଦୀ ସପୁଆ, ରାମିଆଲ, ବଡ଼ଜୋରା ଓ ଡ଼ମଶାଳ ଆଦିରେ ଜଳସ୍ତର ବଢ଼ିବାରେ ଲାଗିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
