ମେଲବର୍ଣ୍ଣ: ମହାନ ଅଷ୍ଟ୍ରେଲୀୟ ସ୍ପିନର ସେନ ୱାର୍ଣ୍ଣଙ୍କ ରାଜକୀୟ ଅନ୍ତିମ ସଂସ୍କାର ଐତିହାସିକ ମେଲବର୍ଣ୍ଣ କ୍ରିକେଟ ଗ୍ରାଉଣ୍ଡରେ(MCG) ଏକ ଲକ୍ଷ ଲୋକଙ୍କ ସାମ୍ନାରେ ଆୟୋଜିତ ହେବ । ଏହାପୂର୍ବରୁ ୱାର୍ଣ୍ଣଙ୍କ ପରିବାର ଲୋକଙ୍କୁ ଅଲବିଦା କହିବାକୁ ଏକ ବ୍ୟକ୍ତିଗତ କାର୍ଯ୍ୟକ୍ରମ ରଖାଯାଇଛି ।
ଏନେଇ ଡେଲି ମେଲ୍ର ଏକ ରିପୋର୍ଟରୁ ସୂଚନା ମିଳିଛି । ଡେଲି ମେଲ୍ରେ ପ୍ରକାଶିତ ଏହି ରିପୋର୍ଟରେ ଏହା କୁହାଯାଇଛି ଯେ, ୫୨ ବର୍ଷୀୟ ୱାର୍ଣ୍ଣଙ୍କ ମୃତଦେହକୁ ଅଷ୍ଟ୍ରେଲିଆ ଅଣାଯିବ । ଏହି ସମୟରେ ତାଙ୍କର ନିକଟତର ବନ୍ଧୁ ଓ ପରିବାର ସଦସ୍ୟ ମେଲବର୍ଣ୍ଣରେ ଉପସ୍ଥିତ ରହିବେ । ଗତ ଶୁକ୍ରବାର ଥାଇଲାଣ୍ଡର ଏକ ରିସୋର୍ଟରେ ୱାର୍ଣ୍ଣଙ୍କ ମୃତ୍ୟୁ ହୋଇଥିଲା ।
ଏହାମଧ୍ୟ ପଢନ୍ତୁ: ଆସିଲା ସେନ ୱାର୍ଣ୍ଣଙ୍କ ମୃତଦେହ ବ୍ୟବଚ୍ଛେଦ ରିପୋର୍ଟ
ରିପୋର୍ଟରେ କୁହାଯାଇଛି ଯେ ପ୍ରଶଂସକ ତାଙ୍କୁ ଶ୍ରଦ୍ଧାଞ୍ଜଳି ଦେବାପାଇଁ ବିଅର, ଫୁଲ ଓ ପିଜାନେଇ ସେନ ୱାର୍ଣ୍ଣଙ୍କ ପ୍ରତିମୂର୍ତ୍ତୀ ପାଖରେ ରଖୁଛନ୍ତି ।
