ହାଇଦ୍ରାବାଦ: ପଡିଆରେ ଚୌକା ଛକା ବର୍ଷା କରି ଦଳକୁ ଅନେକ ବିଜୟ ଭେଟି ଦେଇଥିବା ମହେନ୍ଦ୍ର ସିଂହ ଧୋନୀଙ୍କୁ ଏକ ନୂଆ ଅବତାରରେ ଦେଖିବାକୁ ମିଳିଛି । ଧୋନୀ କ୍ଷେତରେ ଟ୍ରାକ୍ଟର ଚଳାଉଥିବା ଦେଖିବାକୁ ମିଳିଛି । ଲମ୍ବା ସମୟ ପରେ ସୋସିଆଲ ମିଡିଆରେ ଆକ୍ଟିଭ ହୋଇଛନ୍ତି ଏମଏସଡି । ଟ୍ରାକ୍ଟର ଚଳାଉଥିବାର ଏକ ଭିଡିଓ ସେ ତାଙ୍କ ଇନ୍ଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ କରି କିଛି ନୂଆ ଶିଖିଥିବା କଥା ଲେଖିଛନ୍ତି ।
ରାଞ୍ଚିରେ ଏକ ଚାଷ ଜମିରେ ଧୋନୀ ଟ୍ରାକ୍ଟର ଚଳାଉଥିବା ଦେଖିବାକୁ ମିଳିଛି । ଦାମୀ କାର ଚଳାଉଥିବା ଏମଏସଡି ଟ୍ରାକ୍ଟର ଚଳାଇବା କୌଶଳ ଶିଖିଛନ୍ତି । ସେ ଟ୍ରାକ୍ଟର ଚଳାଇବା ସମୟରେ ଅନ୍ୟ ଜଣେ ବ୍ୟକ୍ତି ତାଙ୍କ ପାଖ ସିଟରେ ବସିଥିବା ଦେଖିବାକୁ ମିଳିଛି । ଚାଷ ଜମିକୁ ଧୋନୀ ସମ୍ପୂର୍ଣ୍ଣ ହଳ କରିଥିବା ଦେଖିବାକୁ ମିଳିଛି । ଭିଡିଓକୁ ପୋଷ୍ଟ କରି କ୍ୟାପସନରେ ଧୋନୀ ଲେଖିଛନ୍ତି, ''କିଛି ନୂଆ ଶିଖିବାକୁ ମିଳିଲା ।''
ଏହା ବି ପଢନ୍ତୁ....Khelo India Youth Games: ଟେନିସରେ ସ୍ବର୍ଣ୍ଣ ଜିତିଲେ ସୋହିନୀ-ଆରାଧ୍ୟା
ଧୋନୀ ଭିଡିଓକୁ ସେୟାର କରିବାର ମାତ୍ର କିଛି ସେକେଣ୍ଡରେ ଭିୟୁର୍ସ ବଢିବାକୁ ଲାଗିଥିଲେ । ପାଖାପାଖି 1 କୋଟି ଲୋକ ଭିଡିଓକୁ ଦେଖି ସାରିଛନ୍ତି । 28 ଲକ୍ଷ ଲୋକ ଏହାକୁ ଲାଇକ୍ କରିଛନ୍ତି । ଏହାସହ 60 ହଜାର ଭିଡିଓରେ କମେଣ୍ଟ କରିଛନ୍ତି । ଏହି ଭିଡିଓରେ ତାଙ୍କ ଆଇପିଏଲ ଟିମ୍ ଚେନ୍ନାଇ ସୁପରକିଙ୍ଗସ କମେଣ୍ଟ କରି କହିଛି,'' ଦୀର୍ଘ ଦିନ ପରେ ଥାଲା ଇନ୍ଷ୍ଟାରେ ନିଜର ଦର୍ଶନ ଦେଇଛନ୍ତି ।''
ସେହିପରି ଆଉ ଜଣେ ଫ୍ୟାନ୍ସ ତାଙ୍କୁ ଅନେକ ଦିନ ପରେ ପରେ ଇନ୍ଷ୍ଟାରେ ଦେଖି ଖୁସି ବ୍ୟକ୍ତ କରିଛନ୍ତି । କେହି କେହି ଲଭ ୟୁ ମାହି ଭାଇ ବୋଲି ମଧ୍ୟ ଲେଖିଛନ୍ତି । ଶେଷ ଥର ପାଇଁ 2021 ଜାନୁଆରା 9 ତାରିଖରେ ଧୋନୀ ତାଙ୍କର ଏକ ଭିଡିଓ ପୋଷ୍ଟ କରିଥିଲେ ଯେଉଁଥିରେ ସେ ଷ୍ଟ୍ରବେରୀ ତୋଳୁଥିବା ଦେଖିବାକୁ ମିଳିଥିଲା ।
ଭାରତୀୟ କ୍ରିକେଟରେ ମହେନ୍ଦ୍ର ସିଂହ ଧୋନୀ ଜଣେ ଜଣାଶୁଣା ନାମ । କ୍ୟାପ୍ଟେନ କୁଲ୍ ଭାବରେ ଫ୍ୟାନ୍ସଙ୍କ ହୃହୟରେ ଘର କରିଛନ୍ତି ମାହି । ତାଙ୍କ ନେତୃତ୍ବରେ ଭାରତ 2011 ବିଶ୍ବକପ ଓ ଟି-ଟ୍ବେଣ୍ଟି ବିଶ୍ବକପ ବିଜୟୀ ହୋଇଥିଲା । କ୍ୟାପଟନ୍ କୁଲ୍ ତଥା ଭାରତର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ ବର୍ତ୍ତମାନ ଆଇପିଏଲରେ ସିଏସ୍କେ ଦଳର ଅଧିନାୟକ ଅଛନ୍ତି ।
