ବିଶ୍ବକପ୍‌ ୨୦୨୩: ଫାଇନାଲ୍‌ ଫାଇଟ୍‌ ପୂର୍ବରୁ ବାୟୁସେନା କରିବ ଏୟାର ଶୋ'

author img

By ETV Bharat Odisha Desk

Published : Nov 17, 2023, 4:05 PM IST

ଫାଇନାଲ୍‌ ଫାଇଟ୍‌ ପୂର୍ବରୁ ବାୟୁସେନା କରିବ ଏୟାର ଶୋ'

ବିଶ୍ବକପ୍‌ ୨୦୨୩ ଫାଇନାଲ୍‌ ଫାଇଟ୍‌ ପୂର୍ବରୁ ଦର୍ଶକଙ୍କ ମଧ୍ୟରେ ଉତ୍ସାହ ଭରିବ ବାୟୁସେନା । ସୂର୍ଯ୍ୟକିରଣ ଏରୋବେଟିକ୍‌ ଟିମ୍‌ ପ୍ରଦର୍ଶନ କରିବ ଏୟାର ଶୋ' । ଅଧିକ ପଢ଼ନ୍ତୁ

ଅହମ୍ମଦାବାଦ: ବିଶ୍ବକପ୍‌ ୨୦୨୩ ମହାକୁମ୍ଭର ଲିଗ୍‌ ଓ ସେମିଫାଇନାଲ୍‌ ମ୍ୟାଚ୍‌ ସରିଛି । କେବଳ ଫାଇନାଲ୍‌ ମ୍ୟାଚ୍‌ ବାକି ରହିଛି । ଚତୁର୍ଥ ଥର ପାଇଁ ବିଶ୍ବକପ୍‌ ଫାଇନାଲ୍‌ ଖେଳିବାକୁ ଯାଉଛି । ରୋହିତ ଶର୍ମାଙ୍କ ନେତୃତ୍ବରେ ଭାରତୀୟ ଦଳ ୧୨ ବର୍ଷର ଆଇସିସି ଟ୍ରଫି ଅପେକ୍ଷାର ଅନ୍ତ ଘଟାଇ ଏଥର ବିଶ୍ବକପ୍‌ ଜିତିବାକୁ ପ୍ରୟାସ କରିବ । ଘରୋଇ ମୈଦାନରେ ବିଶ୍ବକପ୍‌ ଆୟୋଜିତ ହେଉଥିବାରୁ ଭାରତୀୟ ପ୍ରଶଂସକଙ୍କ ସମ୍ମୁଖରେ ଟ୍ରଫି ଉଠାଇବାର ଅନୁଭୁତି ସ୍ବତନ୍ତ୍ର ହେବ । ଏପଟେ ଆୟୋଜକ ବିସିସିଆଇ ଫାଇନାଲ୍‌ ମୁକାବିଲାକୁ ସ୍ମରଣୀୟ କରିବା ପାଇଁ ଜୋରଦାର ଆୟୋଜନ ଚଳାଇଛି । ମ୍ୟାଚ୍‌ ଆରମ୍ଭରୁ ଭାରତୀୟ ବାୟୁସେନାର 'ସୂର୍ଯ୍ୟକିରଣ ଏରୋବେଟିକ୍‌ ଟିମ୍‌' ଏଠାରେ ଏକ 'ଏୟାର୍‌ ଶୋ' ପ୍ରଦର୍ଶନ କରିବେ ବୋଲି ଜଣେ ସରକାରୀ ଅଧିକାରୀ ସୂଚନା ଦେଇଛନ୍ତି ।

  • #WATCH | Indian Air Force (IAF)'s Suryakiran aerobatic team will be carrying out a flypast over the venue of the ICC Cricket World Cup final, the Narendra Modi Stadium in Ahmedabad ahead of the title clash, which will take place on November 19.

    (Video Source: Suryakiran… pic.twitter.com/M7s43RvMOu

    — ANI (@ANI) November 16, 2023 " class="align-text-top noRightClick twitterSection" data=" ">

ଫାଇନାଲ୍‌ ଫାଇଟ୍‌ ପୂର୍ବରୁ ରଙ୍ଗାରଙ୍ଗ କାର୍ଯ୍ୟକ୍ରମ ଆୟୋଜନ କରି ଦର୍ଶକଙ୍କ ଉତ୍କଣ୍ଠା ବଢାଇବା ପାଇଁ ଯୋଜନା କରିଛି ବିସିସିଆଇ । ବିଶ୍ବର ସର୍ବ ବୃହତ୍‌ କ୍ରିକେଟ୍‌ ଷ୍ଟାଡିୟମ୍‌ରେ ଫାଇନାଲ୍‌ ମ୍ୟାଚ୍‌ ଖେଳାଯିବ । ଏହି ମ୍ୟାଚ୍‌ ଦେଖିବା ପାଇଁ ଅହମ୍ମଦାବାଦରେ ସିନେ ତାରକା ଓ ରାଜନେତାଙ୍କ ଭିଡ଼ ମଧ୍ୟ ଜମିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜେ ଷ୍ଟାଡିୟମ୍‌ରେ ବସି ଫାଇନାଲ୍‌ ମ୍ୟାଚ୍‌ ଦେଖିବେ ବୋଲି ଜଣା ପଡ଼ିଛି । ଏହି ଉଦ୍‌ଯାପନୀ ଉତ୍ସବରେ ଭାରତୀୟ ବାୟୁସେନା ପକ୍ଷରୁ ଏକ ସ୍ବତନ୍ତ୍ର ଏୟାର ଶୋ' ଅନୁଷ୍ଠିତ ହେବ ବୋଲି ଜଣା ପଡ଼ିଛି । ଶୁକ୍ରବାର ଓ ଶନିବାର ଦିନ ଏହି ଏୟାର୍‌ ଶୋ' ପାଇଁ ଅଭ୍ୟାସ ମଧ୍ୟ କରାଯିବ ।

ଏହା ମଧ୍ୟ ପଢ଼ନ୍ତୁ...ପୁଣି ସେହି ଅହମ୍ମଦାବାଦ ଷ୍ଟାଡିୟମ, 2011ରେ ଚିତପଟାଙ୍ଗ୍‌ ହୋଇଥିଲା ଅଷ୍ଟ୍ରେଲିଆ

ଏହା ମଧ୍ୟ ପଢ଼ନ୍ତୁ...ଫାଇନାଲ ମୁକାବିଲା ପୂର୍ବରୁ ହେବ ରଙ୍ଗାରଙ୍ଗ କାର୍ଯ୍ୟକ୍ରମ ! ମ୍ୟାଚ ଦେଖିବେ ପ୍ରଧାନମନ୍ତ୍ରୀ

ଉଲ୍ଲେଖଯୋଗ୍ୟ, ଭାରତୀୟ ବାୟୁସେନାର 'ସୂର୍ଯ୍ୟକିରଣ ଏରୋବେଟିକ୍‌ ଟିମ୍‌'ରେ ୯ଟି ବିମାନ ଅଛି । ସମଗ୍ର ଦେଶରେ ଏହି ଟିମ୍‌ ବିଭିନ୍ନ 'ଏୟାର୍‌ ଶୋ' କରି ପ୍ରଶଂସିତ ହୋଇଛି । ଫାଇନାଲ୍‌ ମ୍ୟାଚ୍‌ ଆରମ୍ଭ ହେବା ପୂର୍ବରୁ ଭାରତୀୟ ବାୟୁସେନା ପକ୍ଷରୁ ସେଠାରେ ଏହି ଏୟାର ଶୋ' କରାଯିବ। ନେଇ ଗୁଜରାଟ ପାଇଁ ନିୟୋଜିତ ପ୍ରତିରକ୍ଷା ଲୋକ ସଂପର୍କ ଅଧିକାରୀ ଏହି ସୂଚନା ଦେଇଛନ୍ତି । ସେ କହିଛନ୍ତି, "ଭାରତୀୟ ବାୟୁ ସେନାର ସୂର୍ଯ୍ୟ କିରଣ ଏରୋବେଟିକ୍ ଟିମ୍ ଏହି ଏୟାର୍‌ ଶୋ' କରିବ । ମ୍ୟାଚ୍ ଆରମ୍ଭ ହେବା ପୂର୍ବରୁ ୧୦ ମିନିଟ୍ ପାଇଁ ଏହି ଏୟାର ଶୋ'ର ଆୟୋଜନ କରାଯିବ । ଏଥିପାଇଁ ଶୁକ୍ରବାର ଓ ଶନିବାର ସୂର୍ଯ୍ୟ କିରଣ ଏରୋବେଟିକ୍ ଟିମ୍ ଅଭ୍ୟାସ କରିବ ।

ବ୍ୟୁରୋ ରିପୋର୍ଟ, ଇଟିଭି ଭାରତ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.