ବ୍ରିସବେନ: ଅଷ୍ଟ୍ରେଲିଆ ବିପକ୍ଷ 4ର୍ଥ ଟେଷ୍ଟରେ ଦମଦାର ବିଜୟ ସହ ବର୍ଡର ଗାଭାସ୍କର ଟ୍ରଫି ନିଜ ପାଖରେ ରଖିଛି ଭାରତ । ଏହି ଆକର୍ଷଣୀୟ ବିଜୟ ସହ ଅଜିଙ୍କ୍ୟ ରାହାଣେଙ୍କ ନେତୃତ୍ବରେ ଟିମ ଇଣ୍ଡିଆ ଆଇସିସି ବିଶ୍ବ ଟେଷ୍ଟ ଚମ୍ପିଆନସିପର ଶୀର୍ଷ ସ୍ଥାନରେ ପହଞ୍ଚିଯାଇଛି ।
ବ୍ରିସବେନ ବିଜୟ ପରେ ବିଶ୍ବ ଟେଷ୍ଟ ଚମ୍ପିଆନସିପ୍ର ଶୀର୍ଷରେ ଭାରତ
430 ପଏଣ୍ଟ ସହ ଭାରତ ପ୍ରଥମ ଓ ନ୍ୟୁଜିଲାଣ୍ଡ 420 ପଏଣ୍ଟ ସହ ପଏଣ୍ଟ ଟେବୁଲର ଦ୍ବିତୀୟ ସ୍ଥାନରେ ରହିଛି । ତୃତୀୟ ସ୍ଥାନରେ 332 ପଏଣ୍ଟ ସହ ଅଷ୍ଟ୍ରେଲିଆରେ ରହିଛି ।
ଭାରତ ନଂ1 ସ୍ଥାନରେ, ଗାବାରେ କଡା ମୁକାବିଲାରେ ବିଜୟ ମିଳିବା ପରେ ଭାରତ ଶୀର୍ଷ ସ୍ଥାନକୁ ଉନ୍ନୀତ ହୋଇଛି । ଅଷ୍ଟ୍ରେଲିଆ 3 ନଂ ସ୍ଥାନକୁ ଖସିଆସିଛି ।
ଏଥିସହ ଆଇସିସି ଟେଷ୍ଟ ଟିମ ମାନ୍ୟତା ତାଲିକାରେ ମଧ୍ୟ ଅଷ୍ଟ୍ରେଲିଆକୁ ପଛକୁ ଠେଲି ଦ୍ବିତୀୟ ସ୍ଥାନରେ ପହଞ୍ଚିଛି ଭାରତ । ଅଷ୍ଟ୍ରେଲିଆର 113 ପଏଣ୍ଟ ଥିବାବେଳେ ଭାରତ 117.65 ପଏଣ୍ଟ ସହ ଦ୍ବିତୀୟରେ ରହିଛି । ନ୍ୟୁଜିଲାଣ୍ଡ 118.44 ପଏଣ୍ଟ ସହ ଶୀର୍ଷରେ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
