ନ୍ୟୁୟର୍କ: ଷ୍ଟ୍ରୋକ୍ ଏପରି ଏକ ଶାରୀରିକ ବ୍ୟାଧି, ଯାହା ଯେକୌଣସି ସମୟରେ ବି ଆସିପାରେ । ଏହାର କେତେକ ନିର୍ଦ୍ଦିଷ୍ଟ ଲକ୍ଷଣ ଥିଲେ ମଧ୍ୟ ଅଧିକାଂଶ ଲୋକ ଏବାବଦରେ ଜାଣିପାରନ୍ତି ନାହିଁ । ଏସବୁ ସମସ୍ୟା ମଧ୍ୟରେ ଏକ ଖୁସି ଖବର ସାମ୍ନାକୁ ଆସିଛି । ଏଣିକି ସ୍ମାର୍ଟଫୋନ୍ ଆପ୍ଲିକେସନ ମାଧ୍ୟମରେ ଷ୍ଟ୍ରୋକ୍ର କେତେକ ସାଧାରଣ ଲକ୍ଷଣ ଜଣାପଡିପାରିବ ।
ସୂଚନା ଅନୁସାରେ, ପ୍ରଯୁକ୍ତିବିଦ୍ମାନେ ଏକ ନୂତନ ସ୍ମାର୍ଟଫୋନ୍ ଆପ୍ଲିକେସନ୍ ପ୍ରସ୍ତୁତ କରିଛନ୍ତି, ଯାହା ମାଧ୍ୟମରେ ଷ୍ଟ୍ରୋକ୍ର ଆଶଙ୍କାକୁ ପୂର୍ବାନୁମାନ କରାଯାଇ ପାରିବ । ଫଳରେ ଯେଉଁମାନେ ଷ୍ଟ୍ରୋକ୍ର ସାମ୍ନା କରୁଛନ୍ତି ସେମାନେ କିମ୍ବା ସେମାନଙ୍କ ପରିବାର ଲକେ ସଠିକ୍ ସମୟରେ ଲକ୍ଷଣ ବାବଦରେ ଜାଣିପାରିବେ । ଏହା ଦ୍ବାରା ସମ୍ପୃକ୍ତ ବ୍ୟକ୍ତିଙ୍କୁ ଶୀଘ୍ର ସ୍ବାସ୍ଥ୍ୟ ସେବା ଯୋଗାଇବା ସମ୍ଭବ ହୋଇପାରିବ ।
ଏହି ଆପ୍ଲିକେସନକୁ FAST.AI(କୃତ୍ରିମ ବୁଦ୍ଧିମତା) କୁହାଯାଉଛି । ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ, ଏହି ଷ୍ଟ୍ରୋକ୍ ନିରାକରଣରେ ଆପ୍ ସ୍ନାୟୁବିଜ୍ଞାନୀଙ୍କ ପରି ସଠିକ୍ ଆକଳନ କରିପାରେ । ଏହା ଷ୍ଟ୍ରୋକର ଦୀର୍ଘମିଆଦି ପ୍ରଭାବକୁ କମ୍ କରିପାରିବା ସହ ଜଣେ ରୋଗୀଙ୍କୁ ସମ୍ପୂର୍ଣ୍ଣ ଆରୋଗ୍ୟ କରିବା କ୍ଷେତ୍ରରେ ମଧ୍ୟ ସହାୟକ ହୋଇପାରିବ । FAST.AI ହେଉଛି ଏକ ସମ୍ପୂର୍ଣ୍ଣ ସ୍ୱୟଂଚାଳିତ ସ୍ମାର୍ଟଫୋନ୍ ପ୍ରୟୋଗ ଯାହା ଚେହେରାର ବିଷମତା, ବାହୁର ଦୁର୍ବଳତା ଏବଂ କଥାବାର୍ତ୍ତାର ପରିବର୍ତ୍ତନକୁ ଚିହ୍ନଟ କରିବା ପାଇଁ ମେସିନ୍ ଲର୍ନିଙ୍ଗ ଆଲଗୋରିଦମ ବ୍ୟବହାର କରି ପ୍ରସ୍ତୁତ ହୋଇଛି ।
ସ୍ମାର୍ଟଫୋନ୍ ଆପ୍ଲିକେସନ୍ 68 ଫେସ୍ ଲ୍ୟାଣ୍ଡମାର୍କ ପଏଣ୍ଟ ଯାଞ୍ଚ କରିବା ପାଇଁ ରୋଗୀର ଏକ ଫେସ୍ ଭିଡିଓ ବ୍ୟବହାର କରେ । ଏହା ବାହୁର ଗତିବିଧି ଏବଂ ଆଭିମୁଖ୍ୟ ମାପ କରୁଥିବା ସେନ୍ସର ଏବଂ ଭଏସ୍ ରେକର୍ଡିଂ କଥାବାର୍ତ୍ତାରେ ପରିବର୍ତ୍ତନକୁ ଚିହ୍ନଟ କରେ । ଏହାପରେ ପ୍ରତ୍ୟେକ ପରୀକ୍ଷଣରୁ ଆସିଥିବା ସୂଚନାକୁ ବିଶ୍ଳେଷଣ ପାଇଁ ଏକ ଡାଟାବେସ୍ ସର୍ଭରକୁ ପଠାଏ ।
ସ୍ନାୟୁବିଜ୍ଞାନର କ୍ଲିନିକାଲ୍ ପ୍ରଫେସର ତଥା ଅଧ୍ୟୟନର ଲେଖକ ରାଡୋସ୍ଲଭ ଆଇ ରାଇଚେଭ କହିଛନ୍ତି ଯେ, ପ୍ରାରମ୍ଭିକ ଫଳାଫଳ ଗୁଡିକ ସ୍ନାୟୁବିଜ୍ଞାନୀଙ୍କ ପରି ସଠିକ୍ ଭାବରେ ତୀବ୍ର ଷ୍ଟ୍ରୋକ୍ ଲକ୍ଷଣକୁ ସଠିକ୍ ଭାବରେ ଚିହ୍ନଟ କରିଛି ଏବଂ ଏହା ଷ୍ଟ୍ରୋକର ସଙ୍କେତ ଏବଂ ଲକ୍ଷଣ ଚିହ୍ନଟ କରିବାରେ ଆପର ସଠିକତାକୁ ଉନ୍ନତ କରିବାରେ ସାହାଯ୍ୟ କରିବ ।
ଅନୁସନ୍ଧାନକାରୀମାନେ FAST.AIର କାର୍ଯ୍ୟଦକ୍ଷତାକୁ ଜାଣିବା ପାଇଁ 270 ରୋଗୀଙ୍କ ଉପରେ ପରୀକ୍ଷା କରିଥିଲେ । ଜୁଲାଇ 2021 ରୁ ଜୁଲାଇ 2022 ମଧ୍ୟରେ ଚାରୋଟି ମହାନଗର ନିଗମ ଷ୍ଟ୍ରୋକ୍ ସେଣ୍ଟରରେ 72 ଘଣ୍ଟା ମଧ୍ୟରେ ତୀବ୍ର ଷ୍ଟ୍ରୋକର ନିରାକରଣ ସହିତ ପରୀକ୍ଷା କରିଥିଲେ । ରୋଗୀମାନଙ୍କୁ ପରୀକ୍ଷା କରୁଥିବା ସ୍ନାୟୁବିଜ୍ଞାନୀମାନେ ଆପ୍ ପରୀକ୍ଷା କରିଥିଲେ ତାପରେ FAST.AI ଫଳାଫଳକୁ ସେମାନଙ୍କର କ୍ଲିନିକାଲ୍ ଇମ୍ପ୍ରେସନ୍ ସହିତ ତୁଳନା କରିଥିଲେ ।
ବିଶ୍ଳେଷଣରୁ ଜଣାପଡିଲା ଯେ, ସ୍ମାର୍ଟ ଫୋନ୍ ଆପ୍ ପ୍ରାୟ 100 ପ୍ରତିଶତ ରୋଗୀଙ୍କ ମଧ୍ୟରେ ଷ୍ଟ୍ରୋକ୍-ଜଡିତ ଫେସ୍ ଏସିମେଟେରି(ମୁଖର ଗତିବିଧି)କୁ ସଠିକ୍ ଭାବରେ ଚିହ୍ନଟ କରିଛି । ସେହିପରି ଦୁଇ ତୃତୀୟାଂଶରୁ ଅଧିକ ମାମଲାରେ ଆପ୍ ବାହୁ ଦୁର୍ବଳତାକୁ ସଠିକ୍ ଭାବରେ ଚିହ୍ନଟ କରିଥିଲା ।
ଅନୁସନ୍ଧାନକାରୀମାନେ ଏହାର ବ୍ୟବହାର ରୋଗୀ, ସେମାନଙ୍କ ପରିବାର ବର୍ଗ ଏବଂ ଯତ୍ନ ନେଉଥିବା ସ୍ବାସ୍ଥ୍ୟ କମ୍ପଚାରୀଙ୍କୁ ଶିଖାଇଛନ୍ତି । ଏହି ଅଧ୍ୟୟନର ଫଳାଫଳ ଫେବୃଆରୀ 8-10 ମଧ୍ୟରେ ଆମେରିକାର ଡଲାସ୍ ଠାରେ ଥିବା ଆମେରିକାନ୍ ଷ୍ଟ୍ରୋକ୍ ଆସୋସିଏସନ୍ ଇନଣ୍ଟରନ୍ୟାସନାଲ୍ ଷ୍ଟ୍ରୋକ ସମ୍ମିଳନୀ 2023 ରେ ଉପସ୍ଥାପିତ ହେବାକୁ ଯାଉଛି ।
