ହାଇଦ୍ରାବାଦ: ବଲିଉଡର ସେଲିବ୍ରିଟି ପ୍ରସିଦ୍ଧ ଫ୍ୟାଶନ୍ ଡିଜାଇନର୍ ମନୀଷ ମାଲହୋତ୍ରା ପୋଷାକ ତିଆରି କରିବା ସହ ଚଳଚ୍ଚିତ୍ର ନିର୍ମାଣ ଜଗତରେ ମଧ୍ୟ ପାଦ ଦେଇଛନ୍ତି । ମନୀଷ ମଲହୋତ୍ରା ଭାରତ ତଥା ବିଦେଶର ଜଣେ ପ୍ରସିଦ୍ଧ ଫ୍ୟାଶନ ଡିଜାଇନର୍ । ଏବେ ମନୀଷ ଫିଲ୍ମ ନିର୍ମାତା ଭାବେ ବି-ଟାଉନରେ ଡେବ୍ୟୁ କରିବାକୁ ଯାଉଛନ୍ତି । ଆଜି ସେ ତାଙ୍କ ଫିଲ୍ମ ପ୍ରଡକ୍ସନ୍ ହାଉସ୍ ଘୋଷଣା କରିଛନ୍ତି । ଗତ 30 ବର୍ଷ ଧରି ଫିଲ୍ମ ଇଣ୍ଡଷ୍ଟ୍ରି ସହ ଜଡିତ ଥିବା ମନୀଷ ମାଲହୋତ୍ରାଙ୍କ ଫିଲ୍ମ ପ୍ରଡକ୍ସନ୍ ହାଉସର ନାମ ହେଉଛି ଷ୍ଟେଜ୍ 5 ପ୍ରଡକ୍ସନ୍ସ । ବର୍ତ୍ତମାନ ତାଙ୍କର ବିଶେଷ ବନ୍ଧୁ ତଥା ଲୋକପ୍ରିୟ ଚଳଚ୍ଚିତ୍ର ନିର୍ମାତା କରଣ ଜୋହରଙ୍କ ସମେତ ଅନେକ ସେଲିବ୍ରିଟି ମନୀଷଙ୍କୁ ଏନେଇ ଅଭିନନ୍ଦନ ଜଣାଇଛନ୍ତି ।
ନିଜ ଇନ୍ଷ୍ଟାଗ୍ରାମରେ ଏକ ପୋଷ୍ଟ ସେୟାର କରି ନୂଆ ପ୍ରଡକ୍ସନ ହାଉସ ଲଞ୍ଚ ସୂଚନା କରିଛନ୍ତି । ସେ କ୍ୟାପସନରେ ଲେଖିଛନ୍ତି, ପିଲାଦିନରୁ ମୋ ମନରେ ପୋଷାକ, ରଙ୍ଗ ଏବଂ ଚଳଚ୍ଚିତ୍ର ପ୍ରତି ରୁଚି ରହିଛି । ମୁଁ କପଡ଼ା ଡିଜାଇନ କରିବା ଏବଂ ସଙ୍ଗୀତ ପ୍ରତି ବେଶ ଆକର୍ଶିତ ହୋଇଛି । ଭାରତୀୟ ସିନେମାର ଏକ ପାର୍ଟ ହେବା ଲାଳସାରେ ମୁଁ ସବୁଦିନ ଫିଲ୍ମ ଦେଖୁଥିଲି । ଫ୍ୟସନ ସହ ମୋର ଆକର୍ଷଣ ମୋତେ ଫ୍ୟାଶନ ଡିଜାଇନର୍ କରାଇଲା ଏବଂ ତା’ପରେ ବହୁ ବର୍ଷ ପରେ ମୋର ନିଜ ଲେବଲ୍ ଆରମ୍ଭ କରିବାକୁ ଲାଗିଲା । ଚଳଚ୍ଚିତ୍ରରେ 3 ଦଶନ୍ଧି ପରେ, ଆଜି ମୁଁ ଆପଣଙ୍କ ପାଇଁ 'ଷ୍ଟେଜ୍ 5 ପ୍ରଡକ୍ସନ୍' ଉପସ୍ଥାପନ କରୁଛି ।
ଏହା ମଧ୍ୟ ପଢନ୍ତୁ: କ୍ରିତି ସାନନ ହେବେ ମୀନା କୁମାରୀ, ବାୟୋପିକର ନିର୍ଦ୍ଦେଶନା ଦେବେ ମନୀଷ ମାଲହୋତ୍ରା !
ଏହି ପୋଷ୍ଟ ସେୟାର ହେବା ପରେ ମନୀଷଙ୍କୁ ସମସ୍ତ ସେଲିବ୍ରିଟି ଶୁଭେଚ୍ଛା ଜଣାଇଛନ୍ତି । ମନୀଷ ମାଲହୋତ୍ରାଙ୍କୁ ଅଭିନନ୍ଦନ ଜଣାଇ କରଣ ଜୋହର ଲେଖିଛନ୍ତି, ଏହା ପ୍ରକୃତରେ ବହୁତ ରୋମାଞ୍ଚକର ଏବଂ ଖୁସିର ନୂଆ ଯାତ୍ରା । କରଣ ଜୋହରଙ୍କ ବ୍ୟତୀତ କ୍ରିତି ସାନନ, ବରୁଣ ଧୱନ, କାଜୋଲ, ମଲାଇକା ଆରୋରା, ଶମିତା ଶେଟ୍ଟୀ, ଅଭିଷେକ ବଚ୍ଚନ, ବାଣୀ କପୁର ଏବଂ ଶିଳ୍ପା ଶେଟ୍ଟୀଙ୍କ ସମେତ ଅନେକ ତାରକା ମନୀଷଙ୍କୁ ଅଭିନନ୍ଦନ ଜଣାଇଛନ୍ତି । ସେପଟେ ଏହା ପୂର୍ବରୁ ମନୀଷ ମଲହୋତ୍ରା ଏହା ମଧ୍ୟ ଘୋଷଣା କରିଥିଲେ ଯେ ସେ ସ୍ୱର୍ଗତଃ ଭେଟେରାନ ହିନ୍ଦୀ ସିନେମା ଅଭିନେତ୍ରୀ ମୀନା କୁମାରୀଙ୍କ ବାୟୋପିକ ସହ ଫିଲ୍ମ ନିର୍ଦ୍ଦେଶନାରେ ଡେବ୍ୟୁ କରିବାକୁ ଯାଉଛନ୍ତି । ଏହି ଚଳଚ୍ଚିତ୍ରରେ ସେ କ୍ରିତି ସାନନ ମୁଖ୍ୟ ଭୂମିକାରେ ଅଭିନୟ କରିବେ ବୋଲି ସୂଚନା ଦେଇଛନ୍ତି ।
