ହାଇଦ୍ରାବାଦ: ବିଶ୍ବ କପ ଫାଇନାଲରେ ଭାରତକୁ ହରାଇ ଅଷ୍ଟ୍ରେଲିଆ ଚମ୍ପିଆନ ହୋଇଛି । ତେବେ ଭାରତର ପରାଜୟ ନେଇ ସାରା ଦେଶ ନିରାଶ ହୋଇଥିବା ବେଳେ ଟିମ୍‌ ଇଣ୍ଡିଆର ଖେଳାଳୀ ମାନେ ଦୁଃଖରେ ଭାଙ୍ଗି ପଡ଼ିଛନ୍ତି । ବିରାଟ କୋହଲିଙ୍କଠାରୁ ଆରମ୍ଭ କରି ରୋହିତ ଶର୍ମା ଏବଂ ସିରାଜ ଏହି ମ୍ୟାଚ୍ ହାରିଯିବା ପରେ ଭାବପ୍ରବଣ ହୋଇଥିଲେ । ଏହି ସମୟରେ ଏକ ଫଟୋ ସାମ୍ନାକୁ ଆସିଛି ଯେଉଁଥିରେ ବିରାଟଙ୍କ ପତ୍ନୀ ଅନୁଷ୍କା ଶର୍ମା ତାଙ୍କ ସ୍ୱାମୀଙ୍କୁ ଆଶ୍ୱାସନା ଦେଉଥିବା ନଜର ଆସିଛନ୍ତି ।

ଭାଇରାଲ ଫଟୋରେ ଅନୁଷ୍କା ଶର୍ମା ସ୍ୱାମୀ ବିରାଟ କୋହଲିଙ୍କୁ ଆଲିଙ୍ଗନ(ହଗ୍) କରୁଥିବା ଦେଖିବାକୁ ମିଳିଛି । ଅନୁଷ୍କା ଶର୍ମାଙ୍କ ପରି ଆଥିଆ ଶେଟ୍ଟୀ ମଧ୍ୟ ଟିମ୍ ଇଣ୍ଡିଆ ଏବଂ ସ୍ୱାମୀ କେ.ଏଲ୍ ରାହୁଲଙ୍କୁ ସମର୍ଥନ କରିବାକୁ ନରେନ୍ଦ୍ରମୋଦୀ ଷ୍ଟାଡିୟମରେ ପହଞ୍ଚିଥିଲେ । ପରାଜୟ ପରେ ସେ ମଧ୍ୟ ଭାବବିହ୍ବଳ ହୋଇଯାଇଥିଲେ । ସୋସିଆଲ ମିଡିଆରେ ଉଭୟ ଅଭିନେତ୍ରୀଙ୍କ ଫଟୋ ଏବଂ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ଉଭୟ ଅଭିନେତ୍ରୀଙ୍କୁ ପରାଜୟ ପରେ ଦୁଃଖି ଥିବା ଦେଖିବାକୁ ମିଳିଛି ।

ବିରାଟ ଏବଂ ଅନୁଷ୍କାଙ୍କ ଫଟୋ ଭାଇରାଲ ପରେ ଫ୍ୟାନ୍ସ ଏହାକୁ ପସନ୍ଦ କରିବା ସହ ଏହି ଦମ୍ପତିଙ୍କ ଖୁବ ପ୍ରଶଂସା କରିଛନ୍ତି । ଜଣେ ଲେଖିଛନ୍ତି, ଏହି ଦୁଇଜଣ ପ୍ରମାଣ କରିଛନ୍ତି ଯେ 'ସେମାନେ ଏକାଠି' । ଅନ୍ୟ ଜଣେ ଲେଖିଛନ୍ତି, 'ଅନୁଷ୍କା ଯେପରି ବିରାଟଙ୍କୁ ସମର୍ଥନ କରନ୍ତି ତାହା ପ୍ରକୃତରେ ହୃଦୟସ୍ପର୍ଶୀ' । ଆଉ ଜଣେ ଲେଖିଛନ୍ତି - 'ଅନୁଷ୍କାଙ୍କ ପରି ସମସ୍ତଙ୍କୁ ଜୀବନ ସାଥୀ ଦରକାର, ଯିଏ ତୁମର ଖୁସି ଏବଂ ଦୁଃଖରେ ସବୁବେଳେ ତୁମ ସହ ରହିବ, ବିରାଟ କୋହଲି ବହୁତ ଭାଗ୍ୟବାନ' ।

ବିରାଟ ସେମିଫାଇନାଲରେ ନିଜର ୫୦ତମ ଦିନିକିଆ ଶତକ ହାସଲ କରିଥିଲେ

ଫାଇନାଲରେ ଭାରତ ମ୍ୟାଚ୍ ଅଷ୍ଟ୍ରେଲିଆ ସହ ହୋଇଥିଲା, ଯେଉଁଥିରେ ଅଷ୍ଟ୍ରେଲିଆ ଭାରତ ଦେଇଥିଲା ଟାର୍ଗେଟ୍‌ ହାସଲ କରି ବିଶ୍ୱକପ୍ ଜିତିଛି । ତେବେ ଏହି ଟୁର୍ଣ୍ଣାମେଣ୍ଟରେ ଟିମ୍ ଇଣ୍ଡିଆ ବହୁତ ଭଲ ପ୍ରଦର୍ଶନ କରିଛି । ଏହାପୂର୍ବରୁ ସେମିଫାଇନାଲରେ ବିରାଟ କୋହଲି ତାଙ୍କର ଦିନିକିଆ ୫୦ତମ ଶତକ ହାସଲ କରି ଅନେକ ରେକର୍ଡ ଭାଙ୍ଗିଥିଲେ । ସେହିପରି ମହମ୍ମଦ ଶାମି ମଧ୍ୟ 7 ୱିକେଟ୍ ନେଇ ଇତିହାସ ସୃଷ୍ଟି କରିଛନ୍ତି ।

ଏହା ମଧ୍ୟ ପଢନ୍ତୁ: ଖୁସିରେ ଝୁମିଲେ ପତ୍ନୀ ଅନୁଷ୍କା, କହିଲେ 'ତୁମେ ସତରେ ଭଗବାନଙ୍କ ସନ୍ତାନ'

ଏଥର ଅନୁଷ୍କା ଶର୍ମାଙ୍କ ବ୍ୟତୀତ ଶାହାରୁଖ ଖାନ ମଧ୍ୟ ତାଙ୍କ ପରିବାର ସହ ବିଶ୍ୱକପ 2023 ମ୍ୟାଚ ଦେଖିବା ପାଇଁ ଷ୍ଟାଡିୟମରେ ପହଞ୍ଚିଥିଲେ । ଏଥି ସହିତ ଦୀପିକା ପାଦୁକୋନ, ରଣଭୀର ସିଂ, ଆୟୁଷ୍ମାନ ଖୁରାନା, ଆଶା ଭୋସଲେଙ୍କ ପରି ଅନେକ ତାରକା ମଧ୍ୟ ଏହି ମ୍ୟାଚ୍‌ରେ ଭାରତକୁ ଉତ୍ସାହିତ କରିଥିଲେ । ସେପଟେ ସୋସିଆଲ ମିଡିଆରେ ପରାଜୟ ସତ୍ତ୍ବେ ଟିମ୍‌ ଇଣ୍ଡିଆକୁ ସମର୍ଥନ ସହ ପ୍ରଶଂସା କରିଛନ୍ତି ଅନେକ ସେଲିବ୍ରିଟି । ଦମଦାର ପ୍ରଦର୍ଶନ ପାଇଁ ଆମେ ସର୍ବଦା ଟିମ୍‌ ପାଇଁ ଗର୍ବିତ ବୋଲି କହିଛନ୍ତି ।