ହାଇଦ୍ରାବାଦ: ସାହିଦ କପୁରଙ୍କ ଭାଇ ତଥା ଅଭିନେତା ଇଶାନ ଖଟ୍ଟର ବର୍ତ୍ତମାନ ନିଜ ଲଭ୍ ଲାଇଫକୁ ନେଇ ଲାଇମଲାଇଟରେ ରହିଛନ୍ତି। ଅଭିନେତାଙ୍କ ନାଁ ଅଭିନେତ୍ରୀ ଅନନ୍ୟା ପାଣ୍ଡେ ସହ ଯୋଡ଼ା ଯାଇଥିଲା । ଫିଲ୍ମ ଖାଲି ପିଲିରେ କାମ କରିବା ସମୟରେ ଉଭୟ ଡେଟିଂ କରୁଥିବା ଚର୍ଚ୍ଚାକୁ ଆସିଥିଲା । 3 ବର୍ଷ ପରେ 2022ରେ ଉଭୟଙ୍କ ବ୍ରେକଅପ୍ କରିଥିଲେ । ବର୍ତ୍ତମାନ ମିଡିଆ ରିପୋର୍ଟ ଅନୁଯାୟୀ, ଇଶାନ ଏବେ ପୁଣି ପ୍ରେମରେ ପଡିଛନ୍ତି । ସେ ଜଣେ ମାଲେସିଆନ ମଡେଲଙ୍କୁ ଡେଟ୍ କରୁଥିବା କୁହାଯାଉଛି ।
ରିପୋର୍ଟ ଅନୁସାରେ, ଇଶାନ ଖଟ୍ଟର ମାଲେସିଆନ ମଡେଲ ଚାନ୍ଦିନୀ ବେଞ୍ଜଙ୍କୁ ଡେଟ୍ କରୁଛନ୍ତି । ଚଳିତ ବର୍ଷ ଆରମ୍ଭରୁ ଉଭୟ ଡେଟିଂ କରୁଥିବା ଜଣାପଡିଛି । ଏବଂ ନିକଟରେ ଅଭିନେତା ଚାନ୍ଦିନୀଙ୍କୁ ନିଜ ସାଙ୍ଗମାନଙ୍କ ସହ ସାକ୍ଷାତ କରାଇଥିଲେ । ଏପରିକି ଜୁଲାଇ ମାସରେ ଇଶାନ ଚାନ୍ଦିନୀଙ୍କ ସହ ବାଇକ ଚଳାଉଥିବାର ନଜର ଆସିଥିଲେ । ଚାନ୍ଦିନୀ ବେଞ୍ଜଙ୍କ ବୟସ 21 ବର୍ଷ । ସେ କୁଆଲାଲ୍ପୁର(ମାଲେସିଆ)ରେ ଜନ୍ମଗ୍ରହଣ କରିଥିଲେ । ଆଜିକାଲି ସେ ଭାରତରେ ମଡେଲ୍ ଭାବରେ କାମ କରୁଛନ୍ତି । ଚାନ୍ଦିନୀ ସିଙ୍ଗାପୁର ଟିଭି ଡ୍ରାମା 'ମାଇ ମଦର ଷ୍ଟୋରୀ' ଏବଂ ମାଲେସିଆର ଟିଭି ଧାରାବାହିକ 'ଗାଏବ'ରେ ମଧ୍ୟ ଅଭିନୟ କରିଛନ୍ତି । ସେ କୋରୋନା ସମୟରେ ଭାରତ ଆସିଥିଲେ ଏବଂ ସେବେଠାରୁ ଏଠାରେ ଅଛନ୍ତି । କୁହାଯାଉଛି ଯେ ଚାନ୍ଦିନୀ ବଲିଉଡ୍ ଅଭିନେତ୍ରୀ ହେବାକୁ ଚାହୁଁଛନ୍ତି ।
ସୂଚନା ଥାଉ କି, ଖାଲି ପିଲିରୁ ଅନନ୍ୟା ଏବଂ ଇଶାନଙ୍କ ଲଭ୍ ଷ୍ଟୋରୀ ଆରମ୍ଭ ହୋଇଥିବା ବେଳେ 'ପିପ୍ପା' ସୁଟିଂ ସମୟରେ ଅନନ୍ୟା ପାଣ୍ଡେଙ୍କ ସହ ଇଶାନଙ୍କ ବ୍ରେକ୍ଅପ୍ ହୋଇଥିବା ଶୁଣିବାକୁ ମିଳିଥିଲା । ଉଭୟ ଅଲଗା ହେବା ପରେ ନିଜ ନିଜ ଜୀବନରେ ଆଗକୁ ବଢିଥିବା ଦେଖିବାକୁ ମିଳିଛି । ଇଶାନ ଚାନ୍ଦିନୀଙ୍କୁ ଡେଟ୍ କରୁଥିବା ବେଳେ ଅନନ୍ୟା ଅଭିନେତା ଆଦିତ୍ୟ ରୟ କପୁରଙ୍କୁ ଡେଟ୍ କରୁଥିବା ଜଣାପଡିଛି । ଅନେକ ସମୟରେ ଉଭୟଙ୍କୁ ଏକାଠି ଦେଖିବାକୁ ମିଳିଥାଏ ।
ଏହା ମଧ୍ୟ ପଢନ୍ତୁ: ଗୋଆ ଏୟାରପୋର୍ଟରେ ସ୍ପଟ ହେଲେ ଲଭବାର୍ଡ ଆଦିତ୍ୟ-ଅନନ୍ୟା, ଭିଡିଓ ଭାଇରାଲ
ୱାର୍କଫ୍ରଣ୍ଟ୍ କଥା କହିବାକୁ ଗଲେ, 1971 ଇଣ୍ଡୋ-ପାକ୍ ଯୁଦ୍ଧ ଉପରେ ଆଧାରିତ ରାଜା କୃଷ୍ଣ ମେନନଙ୍କ ଫିଲ୍ମ 'ପିପ୍ପା'ରେ ଇଶାନଙ୍କୁ ଦେଖିବାକୁ ମିଳିବ । ଏଥିସହ ଖୁବଶୀଘ୍ର ଇଶାନ 'ଦ ପରଫେକ୍ଟ କପଲ' ସହ ହଲିଉଡରେ ଡେବ୍ୟୁ କରିବେ । ସେପଟେ ନିକଟରେ ରିଲିଜ ହୋଇଥିବା ଫିଲ୍ମ ଡ୍ରିମ୍ ଗାର୍ଲ-2ରେ ଅନନ୍ୟାଙ୍କୁ ଦେଖିବାକୁ ମିଳିଛି । ଏହି ଫିଲ୍ମ ବକ୍ସ ଅଫିସ୍ରେ ଭଲ ପ୍ରଦର୍ଶନ କରୁଛି ।
