ପୁରୀ: ଏସ୍ପି କନୱର ବିଶାଲ ସିଂହଙ୍କ ନାମରେ ଫେସ୍ବୁକରେ ଫେକ ଆକାଉଣ୍ଟ । ଏହା ଜଣାପଡିବା ପରେ ଚାରିଆଡେ ଚର୍ଚ୍ଚା । ଯାହାକୁ ନେଇ ବିଧିବଦ୍ଧ ଭାବେ ତଦନ୍ତ ଆରମ୍ଭ କରିଛି ପୋଲିସ ।
ତେବେ ଲୋକଙ୍କୁ ଠକିବା ପାଇଁ କୌଣସି ବ୍ୟକ୍ତି ଏପରି କରିଥାଇପାରେ ବୋଲି ଏସପି ସୂଚନା ଦେଇଛନ୍ତି । ଏହାସହ ଏହି ଫେକ ଆଇଡିରୁ କୌଣସି ମେସେଜ ଆସିଲେ ଲୋକେ ଗ୍ରହଣ ନ କରିବାକୁ ଏସପି କହିଛନ୍ତି ।
ଏହି ଆକାଉଣ୍ଟରେ ଏସପିଙ୍କ ସହିତ କେନ୍ଦ୍ରାଞ୍ଚଳ DIG ଆଶିଷ ସିଂଙ୍କ ଫଟୋ ରହିଛି। ଯାହା ଲୋକଙ୍କୁ ଠକିବାକୁ ସୁବିଧା ହେବ ବୋଲି କୁହାଯାଉଛି । ସୂଚନାଥାଉକି, ପୂର୍ବରୁ ଅନେକ ଆଇପିଏସ ଅଧିକାରୀଙ୍କ ନାମରେ ଫେକ ଫେସବୁକ ଆଇଡି ଥିବା ଖବର ଆସିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
