ଭୁବନେଶ୍ବର: ଆଜି ବିଧାନସଭାରେ ଆର୍ଥିକ ବର୍ଷ 2021-22ର ବଜେଟ ଆଗତ ହେବ । ଗୃହରେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ବଜେଟ ଆଗତ କରିବେ । ଅପରାହ୍ନ ଅଧିବେଶନରେ ବଜେଟ ଆଗତ ହେବ ବୋଲି ସୂଚନା ମିଳିଛି ।
ଚିଠା ବଜେଟକୁ 9 ତାରିଖରେ ମନ୍ତ୍ରୀ ପରିଷଦ ବୈଠକରେ ଅନୁମୋଦନ ମିଳିଥିବାବେଳେ ଚଳିତ ବର୍ଷର ବଜେଟ 1ଲକ୍ଷ 70 ହଜାର କୋଟି ଟପି ଯାଇପାରେ ବୋଲି କୁହାଯାଉଛି । ଯାହା ଗତବର୍ଷ ତୁଳନାରେ 13 ପ୍ରତିଶତରୁ ଅଧିକ ବୋଲି ଆକଳନ କରାଯାଉଛି ।
ଗତ ବର୍ଷ 2020-21ରେ ପ୍ରାୟ 1 ଲକ୍ଷ 50 ହଜାର ଟଙ୍କାର ବଜେଟ ଉପସ୍ଥାପନ ହୋଇଥିଲା । ସେପଟେ ବଜେଟ ଆଗତ ହେବା ପୂର୍ବରୁ ଶନିବାର ଅର୍ଥନୈତିକ ସର୍ଭେ ରିପୋର୍ଟ ଗୃହରେ ଉପସ୍ଥାପନ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
