ଭୁବନେଶ୍ବର: ରାଜ୍ୟରେ ଦୁଇ ଉପନିର୍ବାଚନ ପାଇଁ ଜାରି ରହିଛି ମତଦାନ । ସକାଳ 7ଟାରୁ ମତଦାନ ଆରମ୍ଭ ହୋଇଛି । ବାଲେଶ୍ବର ସଦର ଓ ତିର୍ତ୍ତୋଲ ଆସନ ପାଇଁ ଉପନିର୍ବାଚନ ଚାଲିଛି ।
ସକାଳ 11 ଟା ସୁଦ୍ଧା ବାଲେଶ୍ବରରେ 27.6 ପ୍ରତିଶତ ଭୋଟିଂ ହୋଇଛି । ସେହିପରି ତିର୍ତ୍ତୋଲରେ 24.93 ପ୍ରତିଶତ ମତଦାନ ରେକର୍ଡ କରାଯାଇଛି ।
ପୂର୍ବରୁ ସକାଳ 9ଟା ସୁଦ୍ଧା ବାଲେଶ୍ବର ସଦରରେ 12.11 ପ୍ରତିଶତ ଭୋଟିଂ ହୋଇଥିଲା । ସେହିପରି ତିର୍ତ୍ତୋଲରେ 7.58 ପ୍ରତିଶତ ମତଦାନ ରେକର୍ଡ କରାଯାଇଥିଲା । ଏନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି ।
ତେବେ ମକ ପୁଲ ସମୟରେ କିଛି ସ୍ଥାନରେ ତ୍ରୁଟି ଦେଖାଦେଇଥିଲେ। ବାଲେଶ୍ବରରେ 2ଟି ଭିଭିପାଟ ବଦଳା ଯାଇଛି ବୋଲି ମୁଖ୍ୟ ନିର୍ବାଚନ ଅଧିକାରୀ ସୁଶୀଲ କୁମାର ଲୋହାନି କହିଛନ୍ତି ।
ସେହିପରି କୌଣସି ସ୍ଥାନରୁ ଭୋଟ ବର୍ଜନ ଖବର ଆସିନାହିଁ। କୌଣସି ଗଣ୍ଡଗୋଳର ସୂଚନା ନାହିଁ । ଉଭୟ ନିର୍ବାଚନ ମଣ୍ଡଳୀର ଭୋଟରମାନେ ବୁଥ ଆରେଞ୍ଜମେଣ୍ଟକୁ ନେଇ ଖୁସି ଥିବା ସେ କହିଛନ୍ତି ।
ସୂଚନାଥାଉକି, ଦୁଇଟି ଆସନରେ ସମୁଦାୟ 15 ଜଣ ପ୍ରାର୍ଥୀ ରହିଥିବାବେଳେ 4 ଲକ୍ଷ 69 ହଜାର 450 ଜଣ ଭୋଟର ସେମାନଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
