ବାଲେଶ୍ବର: ଜିଲ୍ଲାର ଚାନ୍ଦିପୁର ମଇଂଶାଳି ବିଚ୍ ନିକଟରେ ଘଟିଛି ଅଘଟଣ । ଏକ ବୋଲେରୋ ପିକଅପ ଗାଡି ଉପରେ ଜୁଆର ମାଡି ଯାଇଥିବା ଦେଖିବାକୁ ମିଳିଛି । ଟେଷ୍ଟିଂ ଡ୍ରାଇଭିଂ ସମୟରେ ହଠାତ ଜୁଆର ଯୋଗୁଁ ଏପରି ଘଟିଥିବା ପୋଲିସ ସନ୍ଦେହ କରୁଛି ।
ଗାଡିଟିକୁ ଉଦ୍ଧାର ପାଇଁ ରାତିସାରା ଓଡ୍ରାଫ ଟିମ ଲାଗିଥିବା ସତ୍ତ୍ବେ ଉଦ୍ଧାର କାର୍ଯ୍ୟ ସମ୍ଭବ ହୋଇ ପାରିନଥିଲା । ତେବେ ଗାଡ଼ିଟି ବାଲେଶ୍ଵର ପୋଲିସର ବୋଲି ଜଣାପଡ଼ିଥିବାବେଳେ କେଉଁ କାରଣ ପାଇଁ ଗାଡ଼ିଟି ବିଚ୍ରେ ଫସିଲା, ତାହା କିଛି ସ୍ପଷ୍ଟ ହୋଇନାହିଁ । ଟେଷ୍ଟ ଡ୍ରାଇଭ୍ କରୁଥିବା ସମୟରେ ହଠାତ୍ ଜୁଆର ଯୋଗୁଁ ଏମିତି ପରିସ୍ଥିତି ଉପୁଜିଥିବା ସନ୍ଦେହ କରାଯାଉଛି । ଗାଡି଼ ଭିତରେ ବାଲେଶ୍ଵର ଏସପି ଥିବା ନେଇ ଆଲୋଚନା ହେଉଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
