ନୂଆଦିଲ୍ଲୀ: ଆଜି ବି ବୃଦ୍ଧି ପାଇଲା ସୁନା ଦାମ । ଚାହିଦା ବଢିବା ଯୋଗୁଁ ମଙ୍ଗଳବାର ପୁଣି ମହଙ୍ଗା ହୋଇଛି ସୁନା । କେବଳ ସୁନା ନୁହେଁ ରୂପା ଦାମ ମଧ୍ୟ ବଢିଛି ।
ଆଜି ସୁନା ଦାମ ଦେଶର ରାଜଧାନୀ ଦିଲ୍ଲୀରେ 10 ଗ୍ରାମ ପ୍ରତି 198 ଟଙ୍କା ବୃଦ୍ଧି ହୋଇ 48,480 ଟଙ୍କା ରହିଛି । ଅନ୍ତରାଷ୍ଟ୍ରୀୟ ବଜାରରେ ମୂଲ୍ୟବାନ ଧାତୁ ଦାମ ବଢିବା ଯୋଗୁଁ ଏହାର ପ୍ରଭାବ ଘରୋଇ ବଜାରରେ ଦେଖାଦେଇଛି । ଏ ନେଇ ଏଚଡିଏଫସି ସିକ୍ୟୁରିଟିଜ ସୂଚନା ଦେଇଛି ।
ତେବେ ପୂର୍ବ କାରବାରୀ ଅଧିବେଶନରେ ସୁନା ଦାମ 10 ଗ୍ରାମ ପ୍ରତି 48,282 ଟଙ୍କାରେ ବନ୍ଦ ହୋଇଥିଲା । ସେହିପରି ରୂପା ଦାମ କିଲୋ ପିଛା 1,008 ଟଙ୍କା ବଢି 65,340 ଟଙ୍କାରେ ପହଞ୍ଚିଛି । ପୂର୍ବ ଟ୍ରେଡରେ ଏହାର ଦାମ 64,332 ଟଙ୍କା ଥିଲା ।
ଅନ୍ତରାଷ୍ଟ୍ରୀୟ ବଜାରରେ ଉଭଯ ସୁନା ଓ ରୂପା ଦାମ ବୃଦ୍ଧି ହୋଇ ଆଉନ୍ସ, ପ୍ରତି ଯଥାକ୍ରମେ 1,843 ଓ 25.28 ଡଲାର ଅଛି ।
