ନୂଆଦିଲ୍ଲୀ: ଲଗାତାର ସୁନା ଦାମ ବୃଦ୍ଧିରେ ଲାଗିଛି ବ୍ରେକ । ମଙ୍ଗଳବାର ସୁନା ଦାମ ହ୍ରାସ ହୋଇଛି । ରାଜଧାନୀ ଦିଲ୍ଲୀରେ ସୁନା ଦାମ 10 ଗ୍ରାମ ପ୍ରତି 557 ଟଙ୍କା ଖସି 52,350 ଟଙ୍କା ରହିଛି । ଏଚଡିଏଫସି ସିକ୍ୟୁରିଟିଜ ଏ ନେଇ ସୂଚନା ଦେଇଛି ।
ସେହିଭଳି ରୂପା ଦାମ ମଧ୍ୟ କିଲୋ ପିଛା 1,606 ଟଙ୍କା ହ୍ରାସ ହୋଇ 66,736 ଟଙ୍କାରେ ପହଞ୍ଚିଛି । ପୂର୍ବ କାରବାରରେ ଏହା କିଲୋଗ୍ରାମ ପ୍ରତି 68,342 ଟଙ୍କା ରହିଥିଲା ।
ପ୍ରକାଶ ଯେ, ପୂର୍ବ କାରବାରରେ ସୁନା ଦାମ 10 ଗ୍ରାମ ପିଛା 52,907 ଟଙ୍କାରେ କାରବାର ବନ୍ଦ କରିଥିଲା ।
ଅନ୍ତରାଷ୍ଟ୍ରୀୟ ବଜାରରେ ସୁନା ଦାମ ଆଉନ୍ସ ପିଛା 1,930 ଡଲାର ରହିଥିବାବେଳେ ରୂପା ଦାମ ଆଉନ୍ସ ପ୍ରତି 26.45 ଡଲାର ରହିଛି ।
ମଙ୍ଗଳବାର ଆମେରିକୀୟ ଡଲାର ତୁଳନାରେ ଟଙ୍କା 74.33 ରହିଛି । ତେବେ ଦୁର୍ବଳ ଡଲାର ମଧ୍ୟରେ ଅନ୍ତରାଷ୍ଟ୍ରୀୟ ବଜାରରେ ସୁନା ମୂଲ୍ୟ ସ୍ଥିର ସହ କାରବାର କରିଥିଲା । ଏସିଆ ଏବଂ ୟୁରୋପରେ ଭାଇରସ ମାମଲା ବୃଦ୍ଧି ହେତୁ ଚିନ୍ତା ବଢିଥିଲା। ତେବେ ଆମେରିକା-ଚୀନ୍ ବାଣିଜ୍ୟ ଆଲୋଚନାରେ ପୁନଃ ଆରମ୍ଭ ହେବାର ସଙ୍କେତ ଭିତରେ କାରବାର ସକାରାତ୍ମକ ମୂଲ୍ୟରେ ସୀମିତ ରହିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
