ନୂଆଦିଲ୍ଲୀ: ‘ସଂସଦରେ ପ୍ରଶ୍ନ ପାଇଁ ଟଙ୍କା’ ମାମଲାରେ ଆଜି ସଦାଚାର କମିଟି ବୈଠକରେ ହାଜର ହୋଇଥିଲେ ତୃଣମୂଳ କଂଗ୍ରେସ ସାଂସଦ ମୋହୁଆ ମୋଇତ୍ରା । ମାତ୍ର ପ୍ୟାନେଲ ବୈଠକରେ ହଙ୍ଗାମା ଦେଖିବାକୁ ମିଳିଛି । ସାଂସଦ ମୋଇତ୍ରା ଓ ପ୍ୟାନେଲ କମିଟି ସଦସ୍ୟ ଥିବା ବିରୋଧୀ ସାଂସଦ ଡାନିସ ଅଲ୍ଲୀ ବୈଠକ ଅଧାରୁ ଚାଲିଆସିଛନ୍ତି । ବୈଠକରେ ମୋଇତ୍ରାଙ୍କୁ ଏକାଧିକ ବ୍ୟକ୍ତିଗତ ପ୍ରଶ୍ନ ପଚରାଯାଇଥିବା ଉଭୟ ଅଭିଯୋଗ କରିଛନ୍ତି ।
-
#WATCH | Delhi: Opposition parties MPs including TMC MP Mahua Moitra and BSP MP Danish Ali, walked out from the Parliament Ethics Committee meeting.
— ANI (@ANI) November 2, 2023 " class="align-text-top noRightClick twitterSection" data="
TMC MP Mahua Moitra appeared before the Parliament Ethics Committee in connection with the 'cash for query' charge against her. pic.twitter.com/EkwYLPnD1O
">#WATCH | Delhi: Opposition parties MPs including TMC MP Mahua Moitra and BSP MP Danish Ali, walked out from the Parliament Ethics Committee meeting.
— ANI (@ANI) November 2, 2023
TMC MP Mahua Moitra appeared before the Parliament Ethics Committee in connection with the 'cash for query' charge against her. pic.twitter.com/EkwYLPnD1O#WATCH | Delhi: Opposition parties MPs including TMC MP Mahua Moitra and BSP MP Danish Ali, walked out from the Parliament Ethics Committee meeting.
— ANI (@ANI) November 2, 2023
TMC MP Mahua Moitra appeared before the Parliament Ethics Committee in connection with the 'cash for query' charge against her. pic.twitter.com/EkwYLPnD1O
ବୈଠକରୁ ବାହାରିବା ବେଳେ ସାଂସଦ ମହୁଆ ବେଶ କ୍ରୋଧିତ ନଜର ଆସିଥିଲେ । ଏହା କେଉଁ ପ୍ରକାର ବୈଠକ ଯେଉଁଥିରେ, ବ୍ୟକ୍ତିଗତ ପ୍ରଶ୍ନ ପଚାରଯାଉଛି ବୋଲି କହିଥିଲେ । ବୈଠକ ଆହୁତ ହେବାର ତରିକା ଉପରେ ପ୍ରଶ୍ନ କରିଥିଲେ ମହୁଆ । ସେହିପରି ମହୁଆଙ୍କ ସହ ମିଟିଂ ତ୍ୟାଗ କରିଥିବା ପ୍ୟାନେଲ ସଦସ୍ୟ ଥିବା ବସପା ସାଂସଦ ଡାନିସ ଅଲ୍ଲୀ ମଧ୍ୟ କମିଟିର ବୈଠକ ତରିକା ନେଇ ଗଣମାଧ୍ୟମରେ ବର୍ଷିଥିଲେ । ଅନୈତିକ ଭାବେ କିଛି ବ୍ୟକ୍ତିଗତ ପଚରାଯିବାରୁ ସେ ମିଟିଂରୁ ଓ୍ବାକଆଉଟ କରିଛନ୍ତି । ମହୁଆଙ୍କୁ କେବେ ଓ କାହା ସହ ସାକ୍ଷାତକାର କରିଥିଲେ । କ’ଣ କଥା ହୋଇଥିଲେ ଏହିପରି କିଛି ଅତି ବ୍ୟକ୍ତିଗତ ପ୍ରଶ୍ନ ପଚରା ଯାଇଥିବା କହି ଅଲ୍ଲୀ ପ୍ୟାନେଲର ସଭାପତି ବିନୋଦ ସୋନକାରଙ୍କୁ ସମାଲୋଚନା କରିଥିଲେ ।
ତେବେ ଆଜି ପୂର୍ବାହ୍ନରେ ମୋଇତ୍ରା ପ୍ୟାନେଲ ସମ୍ମୁଖରେ ହାଜର ହୋଇଥିଲେ । ନିଜ ପକ୍ଷ ରଖିବା ପାଇଁ ସେ ସାଙ୍ଗରେ 3ଟି ବ୍ୟାଗ ଧରି ପ୍ୟାନେଲରେ ହାଜର ହେବାକୁ ନେଇ ଚର୍ଚ୍ଚା ହୋଇଥିଲା । ସେ ଏକାଧିକ ପ୍ରମାଣ ସହ ମିଟିଂରେ ପହଞ୍ଚିଥିବା କୁହାଯାଇଥିଲା । ସୂତ୍ରରୁ ମିଳିଥିବା ସୂଚନା ଅନୁସାରେ, ତାଙ୍କ ବିରୋଧରେ ଆସିଥିବା ସମସ୍ତ ଅଭିଯୋଗକୁ ମହୁଆ ଖଣ୍ଡନ କରିବା ସହ ଆଧାର ହୀନ ବୋଲି ଦର୍ଶାଇଛନ୍ତି । ଏ ସମ୍ପର୍କରେ କିଛି ତଥ୍ୟ ପ୍ରମାଣ ମଧ୍ୟ କମିଟିରେ ଦାଖଲ କରିଛନ୍ତି । ସେହିପରି ଅଭିଯୋଗ କରିଥିବା ସାଂସଦ ନିଶିକାନ୍ତ ଦୁବେ ଓ ତାଙ୍କୁ ଏହି ପ୍ରସଙ୍ଗରେ ତଥାକଥିତ ପ୍ରମାଣ ଦେଇଥିବା ସର୍ବୋଚ୍ଚ କୋର୍ଟ ଆଇନଜୀବୀ ଜୟ ଅନନ୍ତ ଦେହାଦ୍ରାଇଙ୍କୁ ମଧ୍ୟ ପ୍ୟାନେଲ ଜେରା କରୁ ବୋଲି ମୋଇତ୍ରା ଦାବି କରିଛନ୍ତି । ଆଜି ବୈଠକର ନିଷ୍ପତ୍ତି ସମ୍ପର୍କରେ ପ୍ୟାନେଲ ଏବେ ସୁଦ୍ଧା କିଛି ଘୋଷଣା କରିନି । ମହୁଆଙ୍କ ଉତ୍ତର ଓ ଅନ୍ୟ ପ୍ରମାଣପତ୍ର ପ୍ୟାନେଲ ଯାଞ୍ଚ କରୁଥିବା ନେଇ ସୂତ୍ରରୁ ସୂଚନା ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
