ଭୁବନେଶ୍ବର: ସ୍ବାସ୍ଥ୍ୟ ସେବା କ୍ଷେତ୍ରରେ ଯୋଡ଼ି ହେବ ଆଉ ଏକ ଅଧ୍ୟାୟ । ଏମ୍ସରେ ଆଉ ରୋଗୀଙ୍କ ସମ୍ପର୍କୀୟଙ୍କୁ ହନ୍ତସନ୍ତ ହେବାକୁ ପଡ଼ିବନି । ଆଜି ଏମ୍ସରେ ଲୋକାର୍ପଣ ହେବ ଟ୍ରମା କେୟାର ସେଣ୍ଟର ନୂତନ କୋଠା । ଏହି ଅବସରରେ ହାଇ ଏନର୍ଜି ଲିନିଅର ଆକ୍ସେଲେଟର ମେସିନ ଏବଂ ଏମ୍ସର ଧର୍ମଶାଳା ଉଦଘାଟନ ହେବ । ଏନେଇ ଭିସି ମାଧ୍ୟମରେ ଯୋଗଦେବେ କେନ୍ଦ୍ର ସ୍ଵାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭୀୟ । ଏମ୍ସରେ ଟ୍ରମା ଓ ଜରୁରୀକାଳୀନ ବିଭାଗ ବର୍ତ୍ତମାନ ସମୟରେ ୩୦ଟି ଶଯ୍ୟାକୁ ନେଇ କାର୍ଯ୍ୟ କରୁଛି । ତେବେ ନୂତନ ଭାବରେ କୋଠା ଉଦଘାଟିତ ହେବା ପରେ ଏହା ୯୦ଶଯ୍ୟାରେ ପହଞ୍ଚିବ ।
ତେବେ ଏହାକୁ ନିର୍ମାଣ ପାଇଁ ପେଟ୍ରୋନେକ୍ସଟ ସିଏସଆର ଫଣ୍ଡରୁ ପ୍ରାୟ ୧୦ କୋଟି ଟଙ୍କା ଖର୍ଚ୍ଚ କରି ଥିବାବେଳେ ବାକି ଟଙ୍କା ଏମ୍ସ ପକ୍ଷରୁ ଖର୍ଚ୍ଚ କରାଯାଇଛି । ଏଥିରେ ଅତ୍ୟାଧୁନିକ ଚିକିତ୍ସା ପାଇଁ ଆବଶ୍ୟକୀୟ ଯନ୍ତ୍ରପାତିର ବ୍ୟବସ୍ଥା କରାଯାଇଛି । ଏହା ସହ ଧର୍ମଶାଳାର ମଧ୍ୟ ଉଦଘାଟିତ କରାଯିବ । ବର୍ତ୍ତମାନ ଏହା ୭୮ ଜଣ ରହିବାର ଅବ୍ୟବସ୍ଥା କରାଯାଇଥିବା ବେଳେ ପରବର୍ତ୍ତୀ ସମୟରେ ୫୦୦ଜଣ ରହିବାର ବ୍ୟବସ୍ଥା ମଧ୍ୟ କରାଯାଉଛି । ଏମ୍ସରେ ଯେଉଁ ରୋଗୀମାନେ ଯେଉଁ ଡାକ୍ତରଙ୍କ ଅଧୀନରେ ଚିକିତ୍ସିତ ହେଉଥିବେ, ସେହି ଡାକ୍ତରଙ୍କ ପରାମର୍ଶ କ୍ରମେ ରୋଗୀଙ୍କ ସମ୍ପର୍କୀୟ ମାନେ ଏହି ଧର୍ମଶାଳାରେ ରହଣି କରିପାରିବେ ।
ଏହା ମଧ୍ୟ ପଢନ୍ତୁ ....ସ୍ବାସ୍ଥ୍ୟସେବା କ୍ଷେତ୍ରରେ ଯୋଡ଼ି ହେଲା ଡ୍ରୋନ ,ଏମ୍ସ ଭୁବନେଶ୍ୱରରୁ ରକ୍ତ ଗଲା ଟାଙ୍ଗି
ଏଠାରେ ସମସ୍ତ ସୁବିଧା ପାଇବେ ରୋଗୀଙ୍କ ସମ୍ପର୍କୀୟ । ୫୦୦ ଶଯ୍ୟା ବିଶିଷ୍ଟ ଏହି ଧର୍ମଶାଳାରେ ୩ ପ୍ରକାରର ଘରର ସୁବିଧା ମିଳିବ । ୪ଟି ଶଯ୍ୟାର ସୁବିଧାଥିବା ରୁମରେ ପ୍ରତ୍ୟେକ ବ୍ୟକ୍ତିଙ୍କୁ ୫୦ ଟଙ୍କା ଦେବାକୁ ପଡିବ । ଦୁଇଟି ଶଯ୍ୟାଥିବା ରୁମରେ ପ୍ରତ୍ୟେକଙ୍କୁ ଶହେ ଟଙ୍କା ଦେବାକୁ ପଡିବ । ଏପଟେ ପ୍ରତ୍ୟେକ କ୍ୟାବିନ ପାଇଁ ୫୦୦ ଟଙ୍କା ଦେବାକୁ ପଡିବ । ଏହା ସହ ଆଉ ଏକ ଗୁରୁତ୍ବପୂର୍ଣ୍ଣ ଉଦଘାଟିତ ହେବାକୁ ଯାଉଛି । ତାହା ହେଉଛି ହାଇ ଏନର୍ଜି ଲିନିଅର ଆକ୍ସେଲେଟର ମେସିନ ଉଦଘାଟନ କରାଯିବ । ଏହି ମେସିନ ଶରୀରର ମଧ୍ୟରେ ଥିବା କ୍ୟାନ୍ସର ସେଲ ଓ ଟ୍ୟୁମର ପୋଡ଼ିବା ପାଇଁ ଏହି ମେସିନ ବ୍ୟବହୃତ କରାଯିବ ।
ଇଟିଭି ଭାରତ , ଭୁବନେଶ୍ବର
