ଖୋର୍ଦ୍ଧା: ପୂର୍ବତନ ସମିତି ସଭ୍ୟଙ୍କର ସନ୍ଦେହ ଜନକ ମୃତ୍ୟୁ। ତେବେ ଘଟଣାଟି ଖୋର୍ଦ୍ଧା ଜିଲ୍ଲା କଡବ ଗ୍ରାମରେ ଘଟିଛି । ମୃତକ ଜଣକ ହେଉଛନ୍ତି କଡବ ଗ୍ରାମର ପୂର୍ବତନ ସମିତିସଭ୍ୟ ନରହରି ସେଠୀ । ତେବେ ନରହରି ଗତକାଲି ତାଙ୍କ ସାଙ୍ଗ ମାନଙ୍କ ସହ ଭୋଜି କରିବାକୁ ଯାଇଥିଲେ । ହେଲେ ତାଙ୍କୁ ସେଠାରୁ ମୃତ ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଥିବା ସୂଚନା ମିଳିଥିଲା । ଏହି ଘଟଣାରେ ନରହରିଙ୍କ ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି ତାଙ୍କର ସ୍ତ୍ରୀ । ଏହା ସହିତ ବେଗୁନିଆ ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗ ଆଧାରରେ ପୋଲିସ ହତ୍ୟା ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।
ସୂଚନା ଅନୁଯାୟୀ ଖୋର୍ଦ୍ଧା ଜିଲ୍ଲା ବେଗୁନିଆ ଥାନା କଡବ ଗ୍ରାମର ନରହରି ସେଠୀ ପୂର୍ବତନ ସମିତି ସଭ୍ୟ ତାଙ୍କର ୧୯୯୧ ମସିହା ବ୍ୟାଚର ବନ୍ଧୁ ମାନଙ୍କ ସହ ଗତକାଲି ରବିବାର କୋତଲାଙ୍ଗ ସିନ୍ଦୁରମୁଣ୍ଡୀ ମନ୍ଦିରରେ ଭୋଜି କରିବାକୁ ଯାଇଥିଲେ । ତେବେ ଭୋଜି ସରିବା ପରେ ନରହରି ଏକୁଟିଆ ବାଇକରେ ଫେରୁଥିଲେ । ଫେରିବା ବାଟର କୋତଲାଙ୍ଗ ଚଟୁଆ ରାସ୍ତାରେ ସେ ବାଇକ ସହ ସେ ତଳେ ପଡିଥିବା ସେଠାରୁ ଫେରୁଥିବା ମନ୍ଦିର ପୂଜକ ଦେଖି ଭୋଜି କରୁଥିବା ସାଙ୍ଗ ମାନଙ୍କୁ ଖବର ଦେଇଥିଲେ । ଖବର ପାଇ ସାଙ୍ଗ ମାନେ ଘଟଣା ସ୍ଥଳରେ ପହଞ୍ଚି ୧୦୮ ଆମ୍ବୁଲାନ୍ସ ଯୋଗେ ନରହରିଙ୍କୁ ମେଡିକାଲରେ ଭର୍ତ୍ତି କରିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହା ପରେ ପରିବାର ଲୋକଙ୍କୁ ଖବର ଦେଇଥିଲେ ।
ଏହା ମଧ୍ୟ ପଢ଼ନ୍ତୁ.. ବିଦ୍ୟୁତ ଆଘାତରେ ନବଦମ୍ପତିଙ୍କ ମୃତ୍ୟୁ, ଆତ୍ମହତ୍ୟା ସନ୍ଦେହ - Balasore Couple Death
ପରିବାର ଲୋକ ଖବର ପାଇ ସେଠାରେ ପହଞ୍ଚିଥିଲେ । ମୃତ ନରହରିଙ୍କ ଶରୀରରେ ଥିବା ବିଭିନ୍ନ କ୍ଷତ ଚିହ୍ନ ଥିବା ଦେଖି ତାଙ୍କର ପତ୍ନୀ ସବିତା ସେଠୀ ଗତକାଲି ବିଳମ୍ବିତ ରାତ୍ରିରେ ବେଗୁନିଆ ଥାନାରେ ହତ୍ୟା ଅଭିଯୋଗ କରିଥିଲେ । ମୋ ସ୍ବାମୀକୁ ଏକାଧିକ ଲୋକ ମିଶି ହତ୍ୟା କରିଥିବା ଅଭିଯୋଗ କରିଥିଲେ ସବିତା । ଅଭିଯୋଗ ପାଇ ବେଗୁନିଆ ପୋଲିସ ୧୫୦/୨୪ରେ ଏକ ମାମଲା ରୁଜୁ କରି ଘଟଣା ତଦନ୍ତ ବେଗୁନିଆ ଥାନା ଅଧିକାରୀ ଜ୍ୟୋତି ପ୍ରକାଶ ପଣ୍ଡା କରୁଥିବା ଜଣାପଡିଛି । ତେବେ ଆଜି ଥାନା ଅଧିକାରୀ ଖୋର୍ଦ୍ଧା ମୃତଦେହ ବ୍ୟବଚ୍ଛେଦ ଗୃହରେ ପହଞ୍ଚି ମୃତକଙ୍କ ଶରୀରକୁ ଭଲ ଭାବେ ଯାଞ୍ଚ କରିବା ପରେ ମୃତଦେହ ବ୍ୟବଚ୍ଛେଦ କରାଯାଇଛି । ବ୍ୟବଚ୍ଛେଦ ରିପୋର୍ଟ ଆସିବା ପରେ ଘଟଣାର ସତ୍ୟାସତ୍ୟ ଜଣାପଡିବ ବୋଲି ଥାନା ଅଧିକାରୀ ସୂଚନା ଦେଇଛନ୍ତି ।
ଇଟିଭି ଭାରତ, ଖୋର୍ଦ୍ଧା
