ଭୁବନେଶ୍ବର: ଦ୍ବିତୀୟ ପର୍ଯ୍ୟାୟ ନିର୍ବାଚନ ସରିବା ପରେ ବିଜେପି ଉପରେ ସଙ୍ଘାତିକ ଅଭିଯୋଗ ଆଣିଛି ବିଜେଡି । ଏକ ସମ୍ବାଦିକ ସମ୍ମିଳନୀ କରି ଭାରତୀୟ ଜନତା ପାର୍ଟି ଉପରେ ବର୍ଷିଛନ୍ତି ବିଜେଡି ନେତା ସସ୍ମିତ ପାତ୍ର । ବିଜେପି ହାରିଯିବା ଜାଣି ରକ୍ତମୁଖା ସାଜିଥିବା ଅଭିଯୋଗ କରିଛନ୍ତି ସସ୍ମିତ ।
ତେବେ ସାମ୍ବାଦିକ ସମ୍ମିଳନୀ ସସ୍ମିତ ପାତ୍ର କହିଛନ୍ତି, "ଓଡ଼ିଶାର ଭାରତୀୟ ଜନତା ପାର୍ଟି ଯେତେବେଳେ ଜାଣନ୍ତି ଯେ, ସେମାନେ ନିର୍ବାଚନରେ ହାରିବାକୁ ଯାଉଛନ୍ତି । ସେମାନଙ୍କର ଶୋଚନୀୟ ପରାଜୟ ହେବାକୁ ଯାଉଛି, ସେତେବେଳେ ସେମାନେ ରକ୍ତମୁଖା ହୋଇଯାଆନ୍ତି । ୨୦୧୯ ନିର୍ବାଚନ ହେଉ ବା 19ରୁ 22 ମଧ୍ୟରେ ଯେତେ ଉପନିର୍ବାଚନଆସିଛି କିମ୍ବା ଚଳିତ ୨୦୨୪ ନିର୍ବାଚନରେ ଯେତେବେଳେ ବିଜେପି କର୍ମୀ ଓ ନେତା ଜାଣିସାରିଲେଣି ଯେ, ସେମାନେ ହାରିବାକୁ ଯାଉଛନ୍ତି ସେତେବେଳେ ଏତେ ରକ୍ତମୁଖା ହେଉଛନ୍ତି ଯେ ତାପରେ ଆଉ କିଛି ଶୁଣନ୍ତି ନାହିଁ । ଦ୍ଵିତୀୟ ପର୍ଯ୍ୟାୟର ନିର୍ବାଚନ ସରିଛି । ଏଥିରେ ବିଜେପି ରକ୍ତମୁଖା ହୋଇ ବର୍ବର କାଣ୍ଡ ଘଟାଇଛି ।"
ସସ୍ମିତ ପାତ୍ର ଏହା ମଧ୍ୟ କହିଛନ୍ତି, "ଅତ୍ୟନ୍ତ ନିମ୍ନମାନର ରାଜନୀତି ଯଦି କୁହାଯାଏ ବିଜେପି ଏତେ ତଳସ୍ତରର ରାଜନୀତି କରୁଛି ଯେ, ତାହା ଓଡ଼ିଶାର ଇତିହାସରେ କେବେ ହେଲେ ଦେଖାଯାଇନଥିଲା । କିଛି ସମୟ ପୂର୍ବରୁ ବଡ଼ ମିଛ କହିଛି ବିଜେପି । ଗୋଟିଏ ହତ୍ୟା ହୋଇଛି । ଏହା ସତକଥା । କିନ୍ତୁ ହତ୍ୟାକୁ ନେଇ ରାଜନୈତିକ ରଙ୍ଗ ଦେଇ ମିଛ କହି ଅପଚେଷ୍ଟା କରୁଛି ବିଜେପି । ସେଥିରେ ସେମାନେ ମିଛ କହି ଫସିଯାଇଛନ୍ତି । ବରଗଡ଼ ଜିଲ୍ଲାରେ ଜଣେ ଅଟୋ ଚାଳକଙ୍କର ହତ୍ୟା କରାଯାଇଛି । ଯାହା ନିଶାଗ୍ରସ୍ତ ଅବସ୍ଥାରେ ଦୁଇ ଜଣଙ୍କର ମଧ୍ୟରେ କଥା କଟାକଟିରୁ ଅଟୋ ଚାଳକକୁ ହତ୍ୟା କରାଯାଛଛି । ଏହା ସେମାନଙ୍କର ବ୍ୟକ୍ତିଗତ ମାମଲା । କନ୍ତୁ ଏପଟେ ବିଜେପି କହୁଛି ଯେ, ଏହି ହତ୍ୟା ପଛରେ ବିଜୁ ଜନତା ଦଳର ହାତ ଅଛି । ଏତେ ତଳ ସ୍ତରକୁ ଖସିଯାଉଛି ବିଜେପି । ଦୀର୍ଘ ୧୦ ବର୍ଷ ଧରି ମିଛ କହି ଆସୁଛି ବିଜେପି । ଯିଏ ହତ୍ୟା କରିଛନ୍ତି ତାଙ୍କର ବିଜେପି ସହିତ ସମ୍ପୃକ୍ତି ରହିଛି, ଯାହାଙ୍କର ହତ୍ୟା କରାଯାଇଛି ତାଙ୍କର ବିଜେଡି ସହିତ ସଂପୃକ୍ତ ରହିଥିଲା । କିନ୍ତୁ ଏହାକୁ ନେଇ ବିଜେଡି ରାଜନୀତିକୁ ନ ଟାଣି ସେମାନଙ୍କର ଏହା ବ୍ୟକ୍ତିଗତ ମାମଲା କହି କାହାକୁ ଦୋଷ ଦେଇନାହିଁ ।"
ଇଟିଭି ଭାରତ, ଭୁବନେଶ୍ବର