ETV Bharat / state

१.८३ कोटींच्या अमली पदार्थ हॅश ऑइलसह ४ आरोपींना अटक, इन्स्टाग्रामवरून करायचे विक्री

author img

By ETV Bharat Marathi Team

Published : Feb 27, 2024, 8:27 PM IST

Narcotics accused arrested
अंमली पदार्थासह 4 आरोपींना अटक

Drug accused arrested : 1.83 कोटींच्या अमली पदार्थांच्या विक्रीप्रकरणी पोलिसांनी चौघांना बेड्या ठोकल्या आहेत. गुन्हे शाखा युनिट-5 च्या पथकानं आरोपींकडून ठाणे साठ किलो गांजासह हॅश ऑइल जप्त केलंय.

ठाणे Drug accused arrested: ठाणे गुन्हे शाखा युनिट-5 च्या पथकानं साठ किलो गांजा तसंच हॅश ऑइलसह 4 आरोपींना बेड्या ठोकल्या आहेत. या प्रकरणी अभिजित अविनाश भोईर (29), पराग नारायण रेवंडकर(31), मामा उर्फ सुरेंद्र बाबुराव अहिरे (54) आणि राजू हरिभाऊ जाधव (40) या चारजणांना पोलिसांनी अटक केलीय. गुन्हे शाखा युनिट-5 च्या पथकानं अमली पदार्थ विरोधी कारवाईत (चरस) हॅश ऑइल देखील जप्त केलंय. हस्तगत केलेल्या हॅश ऑईलची किंमत बाजारात 1 कोटी 83 लाख 34 हजार 980 रुपये असल्याची माहिती गुन्हे शाखा पोलीस उपायुक्त शिवराज पाटील यांनी दिली.

60 किलो 500 ग्राम गांजा जप्त : गुन्हे शाखा युनिट-5 च्या पथकानं गोपनीय माहितीच्या आधारे ठाण्याच्या वागळे इस्टेट इंदिरानगर परिसरात गांजा विक्रीसाठी आलेला आोरीपी ऋषभ भालेराव (28)याला अटक करून त्याच्या घरातून 60 किलो 500 ग्राम गांजा जप्त केलाय. या गांजाची एकूण किंमत 31 लाख 2 हजार 200 रु आहे. याव्यतिरिक्त 290 ग्राम चरस, 19 छोट्या चरस (हॅश)ऑइल असा मुद्देमाल पोलीस पथकानं हस्तगत केला. या प्रकरणात हॅश ऑईलची विक्री इन्स्टाग्रामवर होत असलयाचं समोर आलंय. आरोपी भालेराव यानं चौकशीत दिलेल्या माहितीवरून पोलीस निरिक्षक विकास घोडके यांच्या मार्गदर्शनाखाली कारवाई करण्यात आली.

1 किलो 380 ग्राम हॅश ऑइल हस्तगत : या प्रकरणात पोलीस पथकानं आरोपी अभिजित अविनाश भोईर आणि आरोपी पराग नारायण रेवंडकर(31) यांना 20 फेब्रुवारी रोजी अटक करून त्यांच्याकडून मुद्देमाल हस्तगत केला. हे दोघे ऋषभ संजय भालेरावला माल पुरवीत होते. आरोपींनी दिलेल्या माहितीवरून पोलिसांनी आरोपी मामा उर्फ सुरेंद्र बाबुराव अहिरे(54), राजू हरिभाऊ जाधव(40) रा, दोघेही मनमाड ता-नांदगाव, जि. नाशिक, यांना 23 फेब्रुवारी, 2024 रोजी अटक केली होती. त्यावेळी आरोपी मामा उर्फ सुरेंद्र यांच्याकडून 12 लाख 70 हजार 700 रुपयांच्या किमतीचे हॅश ऑइल हस्तगत करण्यात आलं होतं. तसंच आरोपी राजू जाधव यांच्याकडून 1 कोटी 38 लाख रुपये किमतीचे 1 किलो 380 ग्राम हॅश ऑइल हस्तगत केलं होतं.

इंस्टाग्रामवर विक्री करणारा गजाआड : हॅश ऑईल विक्रीप्रकरणी ठाणे गुन्हे शाखेच्या पथकानं पाच आरोपीना अटक केली आहे. हॅश ऑईलची विक्री करणारे आरोपी ग्राहकांना इंस्टाग्रामवर संपर्क करून विक्री करीत होते. या आरोपींच्या इन्स्टाग्रामवर तब्बल 3700 फॉलोअर असल्याची माहिती पोलिसांनी दिली. यापूर्वी अटक केलेल्या संजय भालेराव, अभिजित भोईर, पराग रेवंडकर यांना हॅश ऑईलचा पुरवठा मामा उर्फ सुरेंद्र आणि राजू जाधव करीत होते.

10 हजार रुपये ग्राम : जप्त करण्यात आलेले द्रव्य स्वरूपातील हॅश ऑईल देशभरात कुरिअरच्या माध्यमातून पोहचवण्यात येत होतं. आता कुरिअर कंपनीकडून डाटा गोळा करून पुढील कारवाई होणार आहे. तसंच ग्राहकांचा शोध पोलीस घेत आहेत. ग्राहकांमध्ये सर्वच वयोगटातील लोकांचा समावेश आहे.

कशासाठी होतो वापर : नव्यानं बाजारात आलेल्या हॅष ऑईलचा वापर फक्त नशेसाठी होत असल्याचं पोलिसांनी सांगितलं आहे. या प्रकारचं ऑईल लगेच पकडलं जात नसल्यामुळं या नव्या अमली पदार्थाची मागणी वाढली आहे. विशाखापट्टणम येथून ऑईल घेवून ग्राहकांपर्यंत पोहचवलं जात होतं, असं तपासात समोर आलं आहे. या अमली पदार्थाच्या विक्रीसाठी सोशल मीडियाचा वापर केला जात असल्यानं ग्राहक आणि विक्रेता यांचा सरळ संपर्क येत होता.

हे वाचलंत का :

  1. भाजीविक्रेता निघाला अमली पदार्थांचा तस्कर! सव्वा कोटीपेक्षा जास्त किंमतीचे चरस जप्त, दोघांना अटक
  2. एमडी प्रकरण; 106 कोटींचे अमली पदार्थ जप्त, तीन आरोपींना सहा दिवसांची पोलीस कोठडी
  3. Home Drug Factory : नायजेरियन व्यक्ती घरात चालवत होता ड्रगचा कारखाना, १० कोटींचं घबाड जप्त
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.