मुंबई Salman Khan House Firing : १४ एप्रिलला पहाटे ४.५० वाजताच्या सुमारास अभिनेता सलमान खानच्या (Actor Salman Khan) वांद्रे येथील घरावर पाच वेळा गोळ्या झाडून गोळीबार केला. याप्रकरणी गुजरात राज्यातील भूजमधील मंदिरातून सागर पाल आणि विक्की गुप्ता या दोघांना मुंबई पोलिसांच्या गुन्हे शाखेनं अटक केली होती. मात्र, आरोपींनी दोन पिस्तुलं आणि जिवंत काडतूस सुरतमधील तापी नदीत (Tapi River) फेकून दिल्याचं चौकशीत निष्पन्न झालंय. त्यानंतर आज मुंबई पोलिसांच्या गुन्हे शाखेच्या पथकानं खाजगी कंपनीच्या मदतीनं तापी नदीत आज शोध मोहीम सुरु केली, अशी माहिती गुन्हे शाखेचे सहपोलीस आयुक्त लखमी गौतम यांनी दिली.
तापी नदीत सापडले पिस्तुल आणि जिवंत काडतूस : आज सायंकाळी सलमान खान गोळीबार प्रकरणात वापरलेले पिस्तुल आणि जिवंत काडतूस सुरतमधील तापी नदीत गुन्हे शाखेच्या पथकाला सापडली आहे. सलमान खान गोळीबार प्रकरणात पनवेल येथील आरोपींच्या घरी दोन पिस्तुले आणून देण्यात आली होती. नंतर दोनपैकी एक पिस्तूल सागर पाल आणि विक्की गुप्ता हे दोघे एक पिस्तूल घेऊन बिहारला होळी दरम्यान गेले होते. तेथे या पिस्तुलीच्या मदतीनं फायरिंगचा सराव करण्यात आला होता.
तीन नवीन कलमांचा समावेश : अभिनेता सलमान खान गोळीबार प्रकरणी मुंबई पोलिसांनी एफआयआरमध्ये आणखी तीन नवीन कलमांचा समावेश केलाय. मुंबई गुन्हे शाखेच्या अधिकाऱ्यानं सांगितलं की, "मुंबई पोलिसांनी या एफआयआरमध्ये ५०६ (२), ११५ आणि २०१ ही कलमं जोडली आहेत." मुंबई गुन्हे शाखेच्या अधिकाऱ्यानं असंही सांगितलं की, "मुंबई पोलिसांनी लॉरेन्स बिश्नोई आणि त्याचा भाऊ अनमोल बिश्नोई यांना वॉन्टेड आरोपी म्हणून घोषित केलंय." याआधी वांद्रे पोलीस यांनी भारतीय दंड संविधान कलम 307, 34, 120 ब आणि भारतीय हत्यार अधिनियम कलम 25 आणि 3 अन्वये गुन्हा दाखल केला होता. त्यानंतर हा गुन्हा मुंबई पोलिसांच्या गुन्हे शाखेकडं वर्ग करण्यात आलाय.
हेही वाचा -
- लॉरेन्स बिश्नोई आणि अनमोल बिश्नोईला वॉन्टेड आरोपी म्हणून मुंबई पोलिसांनी केलं घोषित - Salman Khan House Firing
- सलमान खान आणि संजय दत्तचा मुलगा शहरान दुबईमध्ये कराटे कॉम्बॅट इव्हेंटमध्ये दिसले एकत्र, व्हिडिओ व्हायरल - Salman Khan and Sanjay Dutt son
- सलमान खान वाय प्लस सिक्युरिटीमध्ये करणार 'सिकंदर'ची शूटिंग - salman khan y plus security team
