रश्मिका मंदान्नाचे सर्वोच्च सुपरहिट 10 चित्रपट, 'अ‍ॅनिमल' आणि 'गीता गोविंदम'ही नाहीत शीर्षस्थानी - Rashmika Mandanna Birthday

Published : Apr 5, 2024, 1:39 PM IST

Rashmika Mandanna Birthday: अष्टपैलू अभिनेत्री रश्मिका मंदान्ना हिनं आपल्या सहज सुंदर नैसर्गिक अभिनयानं प्रेक्षकांची मनं जिंकली आहेत. आज तिचा वाढदिवस साजरा करत असताना, रुपेरी पडद्यावर तिच्या गाजलेल्या भूमिकांवर एक नजर टाकणार आहोत. तिच्या सर्वोच्च 10 IMDb रेटिंग मिळालेल्या चित्रपटांची यादी पाहूयात.

रश्मिका मंदान्नाचे सर्वोच्च सुपरहिट 10 चित्रपट

मुंबई - Rashmika Mandanna Birthday: रश्मिका मंदान्ना आज शुक्रवारी 5 एप्रिल रोजी आपला 28 वा वाढदिवस साजरा करत आहे. यानिमित्तानं तिच्या चित्रपट कारकिर्दीचा आढावा घेण्याची उत्तम संधी आली आहे. आपल्या नैसर्गिक अभिनयाच्या जोरावर ती भारतीय चित्रपटसृष्टीतील सर्वात जास्त मागणी असलेली अभिनेत्री म्हणून नावारुपाला आली आहे. 2016 मध्ये पदार्पण केल्यापासून तिनं आपल्या प्रतिभेनं प्रेक्षकांची मनं जिंकली आहेत.

रश्मिकानं 2016 मध्ये 'किरिक पार्टी' या चित्रपटातून कन्नड चित्रपटसृष्टीत पदार्पण केलं. तिच्या मोहून टाकणाऱ्या अभिनयामुळे तिला प्रेक्षकांचा सकारात्मक प्रतिसाद मिळाला आणि तिच्या भविष्यातील यशाचा मार्ग मोकळा झाला. तेव्हापासून ती तामिळ आणि तेलुगु या दोन्ही फिल्म इंडस्ट्रीमध्ये सातत्यानं उत्कृष्ट कामगिरी करून तिच्या प्रतिभेची चुणूक दाखवत आली आहे.

रश्मिकानं 'डिअर कॉम्रेड' आणि 'गीता गोविंदम' सारख्या चित्रपटात वास्तववादी व्यक्तीरेखा साकारत अभिनयाच्या जगतात स्वत: साठी एक स्थान निर्माण केलं. तिला केवळ प्रेक्षकांनीच नाही तर समीक्षकांनीही नावाजले आणि प्रशंसा केली. या चित्रपटांमुळे तिला स्टारडमपर्यंत पोहोचण्यास मदत झाली. एक अष्टपैलू अभिनेत्री म्हणून तिला मिळालेल्या प्रत्येक पात्रात ती परकाया प्रवेश केल्या प्रमाणे वास्तववादी अभिनय करताना दिसली. आज रश्मिका मंदान्नाच्या वाढदिवसाच्या निमित्तानं तिच्या सर्वोच्च 10 टॉप रेटेड IMDb चित्रपटांसह तिच्या अभिनय कारकिर्दीवर एक नजर टाकूया.

1. किरिक पार्टी (2016) - IMDb रेटिंग: 8.2