रणबीर कपूरचा पायऱ्यांवरून खाली घसरत असताना व्हिडिओ झाला व्हायरल - ranbir kapoor

मुंबई - Ranbir Kapoor : अभिनेता रणबीर कपूरनं नुकतेच सूरतमध्ये एका ज्वेलरी शोरूमच्या उद्घाटनाला हजेरी लावली. या कार्यक्रमातील अनेक व्हिडिओ सोशल मीडियावर व्हायरल होत आहेत. आता या व्हिडिओनं सर्वांचे लक्ष वेधून घेतले आहे. कार्यक्रमानंतर शोरुमधून बाहेर पडताना त्याला एका उप्स मोमेंटचा सामना करावा लागला. शोरूममधून बाहेर पडत असताना रणबीर जेव्हा पायऱ्यांवरून खाली येत होता, तेव्हा तो पापाराझीला फोटोसाठी पोझ देत होता. यानंतर तो चालत असताना लगेच पायऱ्यांवर कोसळला. मात्र त्यानं तोल सावरला. आता हा व्हिडिओ पापाराझीनं त्याच्या अधिकृत सोशल मीडियावर शेअर केला आहे.

रणबीर कपूरचा व्हिडिओ व्हायरल : आता रणबीरच्या व्हायरल व्हिडिओवर अनेकजण कमेंट्स करत आहेत. या व्हिडिओवर एका चाहत्यानं कमेंट करत लिहिलं, "आता पापाराझी रणबीरबरोबर बाथरुममध्ये देखील कॅमेरा घेऊन जाणार आहेत." दुसऱ्या एकानं लिहिलं, "रणबीर हा खाली कोसळला असता तर त्याचा देखील यांनी व्हिडिओ काढून पोस्ट केला असता." आणखी दुसऱ्या एकानं लिहिलं, "अरे भावा पडू नको. नाहीतर शुटिंग बंद होईल." याशिवाय काहीजण रणबीरला बरोबर चालण्याचादेखील सल्ला देताना दिसत आहेत. दरम्यान रणबीर सध्या बहुप्रतीक्षित 'रामायण' चित्रपटाचे शूटिंगमध्ये व्यग्र आहे. या चित्रपटामध्ये तो श्रीरामाच्या भूमिकेत दिसणार आहे. तर साऊथ अभिनेत्री साई पल्लवी सीतेच्या भूमिकेत असणार आहे.

'रामायण' चित्रपटाबद्दल : रिपोर्ट्सनुसार, रणबीरनं रामच्या भूमिकेसाठी खूप मेहनत घेतली आहे. दिग्दर्शक नितेश तिवारी 'रामायण' चित्रपटाचं दिग्दर्शन करत आहे. या चित्रपटावर मोठा खर्च केला जात आहे. 'रामायण' चित्रपटापूर्वी ओम राऊत निर्मित आदिपुरुष (2023) हा चित्रपट बॉक्स ऑफिसवर प्रदर्शित झाला होता. मात्र, या चित्रपटाला प्रेक्षकांचा फारसा प्रतिसाद मिळाला नाही. खराब व्हीएफएक्स आणि पुराणातील पात्रांच्या वादग्रस्त संवादामुळे हा चित्रपट रुपेरी पडद्यावर फ्लॉप झाला होता. 'आदिपुरुष'मध्ये प्रभास, क्रिती सेनॉन, सैफ अली खान मुख्य भूमिकेत होते. 'रामायण' चित्रपटाकडून आता लोकांना खूप अपेक्षा आहेत.

हेही वाचा :

1. सुशांत सिंह राजपूतला न्याय मिळवून देण्यासाठी बहीण श्वेतानं सुरू केली अनोखी मोहीम - Sushant Singh Sister start Campaign