सोनीपत Haryana Road Accident : हरियाणातील सोनीपत येथील मामा भांजा चौकात बहलगडहून भरधाव वेगानं येणाऱ्या स्पोर्ट्स कारनं दुचाकी आणि स्कूटरवरुन घरी परतणाऱ्या नेपाळमधील पाच तरुणांना मागून धडक दिल्यानं खळबळ उडालीय. या अपघातात 4 तरुणांचा जागीच मृत्यू झालाय, तर एक जण गंभीर जखमी झालाय. तर कारमधून प्रवास करणारे तीन तरुण या अपघातात गंभीर जखमी झाले आहेत. या अपघाताचं सीसीटीव्ही फुटेजही समोर आलंय.
अपघातात नेपाळच्या 4 जणांचा मृत्यू : पोलिसांकडून मिळालेल्या माहितीनुसार, या अपघातात मृत्युमुखी पडलेल्या तरुणांची ओळख पटलीय. अमर, दल बहादूर, अर्जुन आणि कमल अशी मृत तरुणांची नावं आहेत. हे सर्व नेपाळचे रहिवासी होते, तर त्यांचा एक साथीदार दिल बहादूर गंभीर जखमी आहे. त्याचवेळी इको स्पोर्ट्स कारमधून प्रवास करणारे हृतिक, मोहित आणि अरुण हे तरुणही गंभीर जखमी झाले आहेत. या अपघाताची माहिती मिळताच सोनीपत सिव्हिल लाइन पोलीस स्टेशन आणि सिव्हिल हॉस्पिटलच्या डॉक्टरांचं पथक घटनास्थळी पोहोचले. त्यांनी मृतदेह ताब्यात घेऊन पोस्टमार्टमसाठी सिव्हिल हॉस्पिटलमध्ये पाठवले. दरम्यान, जखमींना उपचारासाठी रोहतक पीजीआयमध्ये पाठवण्यात आलंय. कुटुंबाचा उदरनिर्वाह करण्यासाठी हे सर्वजण वेटरचं काम करायचे. रात्री उशिरा एका कार्यक्रमातून घरी परतत असताना हा अपघात झाला.
सोनीपतमधील मामा भांजा चौकात एका स्पोर्ट्स कारनं दुचाकीस्वार तरुणांना धडक दिलीय. या अपघातात चार तरुणांचा जागीच मृत्यू झालाय. तर कारमधील तीन जण गंभीर जखमी झाले. जखमींना उपचारासाठी रोहतक पीजीआयमध्ये पाठवण्यात आलंय. अपघाताच्या वेळी कार चालक मद्यधुंद अवस्थेत होता. भरधाव वेगात गाडी चालवत होता. सीसीटीव्ही फुटेजच्या माध्यमातून अपघाताचा तपास सुरू आहे- रवींद्र कुमार, सिव्हिल लाइन पोलीस ठाण्याचे प्रभारी
हेही वाचा :
