കോഴിക്കോട് : കനത്ത മഴയെ തുടർന്ന് കരിപ്പൂരില്‍ നിന്നുള്ള എയർ ഇന്ത്യ വിമാനങ്ങള്‍ റദ്ദാക്കി. റിയാദ്, അബുദാബി, മസ്‌കറ്റ് എന്നിവിടങ്ങളിലേക്കുള്ള വിമാനങ്ങളാണ് റദ്ദാക്കിയത്. പ്രതികൂല കാലാവസ്ഥയെ തുടര്‍ന്ന് ഏതാനും വിമാനങ്ങള്‍ മംഗലാപുരത്തേക്ക് വഴിതിരിച്ചുവിട്ടു.
അതേസമയം ഇന്നലെ (മെയ്‌ 22) രാത്രി സര്‍വീസ് നടത്തേണ്ടിയിരുന്ന അബുദാബി വിമാനം ഇന്നാണ് യാത്ര തിരിച്ചത്. വിമാനങ്ങള്‍ വൈകിയതോടെ കരിപ്പൂര്‍ വിമാനത്താവളത്തില്‍ യാത്രക്കാര്‍ പ്രതിഷേധിച്ചു. കാലാവസ്ഥ അനുകൂലമായാല്‍ വിമാനങ്ങള്‍ പുറപ്പെടുമെന്ന് അധികൃതര്‍ അറിയിച്ചു.
