यवतमाळ - अल्पवयीन दुचाकी चोरट्यांची टोळी जेरबंद करण्यात अवधूतवाडी पोलिसांना यश आले आहे. मोठ्या शिताफीने पोलिसांनी चोरट्यांची ही टोळी जेरबंद केली आहे. यावेळी पोलिसांनी 1 लाख 85 हजार रुपये किंमतीच्या ६ दुचाकी जप्त केल्या आहेत.
अल्पवयीन मुले चोरीच्या दुचाकी बाळगून असल्याची माहिती पोलिसांना मिळाली होती. त्यावरून पोलिसांनी सापळा रचून चोरट्यांची टोळी गजाआड केली. ही कारवाई पोलीस अधीक्षक एम. राजकुमार, अप्पर पोलीस अधीक्षक नुरुल हसन, पोलीस निरीक्षक आनंद वागतकर यांच्या मार्गदर्शनात सहायक पोलीस निरीक्षक विनोद देशमुख, सुरेश मेश्राम, ऋतुराज मेडवे, सुधीर पुसदकर, सलमान शेख, सागर चिरडे आदींनी केली.