औद्योगिक वसाहतीत उभारला पहिला ऑक्सिजन प्लान्ट; नितीन गडकरी यांच्या हस्ते लोकार्पण

वर्धा - देवळी येथे एसएमडब्ल्यू इस्पात प्रायव्हेट (महालक्ष्मी स्टील) प्लांटमध्ये हवेतून ऑक्सिजन निर्मिती प्रकल्पाला सुरुवात करण्यात आली. केंद्रीय मंत्री नितीन गडकरी यांच्या उपस्थितीत वर्चुअली उदघाटन पार पडले. दररोज 500 सिलिंडर निर्मितीची क्षमता असून सध्या 150च्या जवळपास सिलिंडर निर्मिती होत आहे. वर्धा जिल्ह्याला प्रथम प्राधान्य देत वैद्यकीय कारणांसाठी निःशुल्क ऑक्सिजन सिलिंडर पुरवठा करणारे मिशन 'ऑक्सिजन स्वावलंबन' अंतर्गत हा प्रकल्प सुरू करण्यात आला आहे.

पाहिली खेप प्रशासनाला रवाना
या प्लॅन्टच्या लोकार्पण प्रसंगी केंद्रीय मंत्री नितीन गडकरी यांनी याचा मोठा फायदा रुग्णांना होणार आहे. यातून अनेकांना रुग्णाची ऑक्सिजनची गरज भागवली जाणार असून लोकांचे जीव वाचवण्यास मदत होणार आहे. यामुळे हा प्रकल्प महत्वाचा मनाला जात आहे. या प्लॅन्टमधून पहिली ऑक्सिजन सिलेंडरची खेप हे जिल्हा प्रशासनाला सोपवण्यात आली आहे. उदघाटनानंतर पहिली खेप हे आमदार रणजित कांबळे यांच्या हस्ते हिरवा झेंडा दाखवून हे ऑक्सिजन सिलेंडरची पहिली खेप रवाना झाली आहे.

दररोज 5000 ऑक्सिजन सिलेंडर तेही 99 टक्के शुद्ध ऑक्सिजन मिळणार आहेया प्लॅन्टमधून मिळणारे हे ऑक्सिजन 99 टक्के शुद्ध करून मिळणार आहे. हवेतून मिळणाऱ्या ऑक्सिजनवर प्रक्रिया करून हे ऑक्सिजन सिलेंडरमध्ये भरले जाणार आहे. यासोबत हे ऑक्सिजन कंपनीकडून मोफत जिल्हा प्रशासनाला वाटप होणार आहे. हे ऑक्सिजन जिल्हा प्राशसनाला सोपवले जाणार असून त्यांचाकडून याचे वितरण केले जाणार आहे. या प्लान्टची क्षमता 500 सिलेंडर निर्माण करण्याची आहे. पण सध्याच्या घडीला 200 पासून सुरवात होऊन हळू हळू 500 सिलेंडरचा टप्पा गाठला जाणार असल्याची माहिती महालक्ष्मी स्टीलचे संचालक योगश मानधिया यांनी दिली.वर्ध्याच्या देवळी येथील ऑक्सजिन प्लँट किंवा त्यासाठीचे साहित्या बनवण्याची जवाबदारी बंगलोरच्या ऑक्सिजन जनरेशन लिमिटेड कंपनीला दिली होते. या कंपनीने ऑक्सिजन प्लॅन्टचे मशिनरी आणि साहित्य दुबईला पाठवण्यासाठी बनवले होते. पण यासाठी विशेष प्रयत्न करून हे रुग्णाची गरजेसाठी हे महालक्ष्मी प्लँटला देण्यात आले. हा ऑक्सिजन प्लॅन्ट 21दिवसात उभा राहिला असून देशातील राज्यातील पहिला औद्योगिक वसाहतीतील हा ऑक्सिजन प्लँट ठरला आहे.