ठाणे Thane Child Marriage : ठाण्यातून एक धक्कादायक घटना समोर आलीय. 29 वर्षीय तरुणानं 12 वर्षाच्या मुलीशी लग्न करून तिच्यावर वारंवार बलात्कार करुन तिला गर्भवती केल्याच्या आरोपाखाली नवी मुंबईतील पोलिसांनी या तरुणाविरुद्ध गुन्हा दाखल केलाय, अशी माहिती एका अधिकाऱ्यानं दिलीय.
दोघंही मुळचे सातारा जिल्ह्यातील : देशात बालविवाह करणं बेकायदेशीर असताना, या दोघांचा सहा महिन्यांपूर्वी बालविवाह झाल्याची माहिती या अधिकाऱ्यानं दिलीय. या नराधमानं अल्पवयीन मुलीवर वारंवार बलात्कार करुन तिला गर्भधारणा केल्याचाही त्याच्यावर आरोप करण्यात आलाय. यातील आरोपी पुरुष आणि अल्पवयीन मुलगी दोघंही मूळचे महाराष्ट्रातील सातारा जिल्ह्यातील असल्याचं त्यांनी सांगितलं.
मुलगी चार महिन्यांची गरोदर : पनवेल येथील स्थानिक डॉक्टरांना गुरुवारी केलेल्या तपासणीदरम्यान मुलगी चार महिन्यांची गरोदर असल्याचं समजलं. त्यानंतर त्यांनी लगेच याची माहिती पोलिसांना दिलीय. याप्रकरणी 29 वर्षीय तरुणाविरुद्ध पोक्सोसह बालविवाह प्रतिबंधक कायद्यान्वये गुन्हा दाखल करण्यात आल्याची माहिती खांदेश्वर पोलीस ठाण्याच्या अधिकाऱ्यानं दिली.
हेही वाचा :
