पंढरपुर - दक्षिण काशी म्हणून ओळखल्या जाणाऱ्या पंढरपूरच्या श्री विठ्ठल- रुक्मिणी मंदिर समितीच्या आषाढी एकादशी सोहळा नुकताच मोठ्या उत्साहाने संपन्न झाला. या विठुरायाच्या दर्शनासाठी महाराष्ट्र सह कर्नाटकातून ही भावी मोठ्या प्रमाणावर दर्शनासाठी येतात. (Pandharpur Temple Donation ) दर्शनासाठी आलेले भाविक हे पांडुरंगाच्या दानपेटीमध्ये मोठ्या प्रमाणावर रक्कम दान करत असतात.
तब्बल 1 कोटी 30 लाख रुपयांनी उत्पन्नात वाढ - आषाढी पौर्णिमा झाल्यावर देवाच्या हुंडीपेट्या, देणगी केंद्रे, लाडू विक्रीसह सर्व ठिकाणच्या रकमेची मोजदाद करणे सुरु होते. (Pandharpur Temple Donation ) आज याची आकडेवारी जाहीर करताना यंदा गेल्या 2 वर्षीपेक्षा तब्बल 1 कोटी 30 लाख रुपयांनी देवाच्या उत्पन्नात वाढ झाली आहे.
ऑनलाईन देणगीमध्ये वाढ - 2019 आणि 2022 या 2 वर्षांमधल्या उत्पन्नाचा विचार केला, तर यावर्षी देवाच्या आणि मंदिरे समितीच्या उत्पन्नामध्ये जवळपास 1 कोटी 30 लाख इतकी भर भाविकांनी देणगी स्वरुपात टाकलेली आहे. याच्यामध्ये देवाच्या आणि देवीच्या, तसेच परिवार देवतांच्या पायावरील उत्पन्न हुंडीपेटी, दानपेटीमधील तसेच ऑनलाईन व मंदिर समितीच्या वतीने क्यु आर कोड याची देणगीसाठी सोय उपलब्ध करण्यात आली होती. यामध्ये देखील मोठ्या प्रमाणात वाढ झालेली आहे.
दान स्वरूपातील मदत भाविकांच्या सुविधेसाठी - यामध्ये 2019 ला 4 कोटी 40 लाख उत्पन्न देवाच्या मंदिरे समितीच्या उत्पन्नात आले होते. 2022 ला 5 कोटी 70 लाख रुपये इतकं उत्पन्न आले आहे. याच्यामध्ये वस्तुरूप आणि सोने, चांदी देखील खूप मोठ्या प्रमाणात दान स्वरूपात आली आहे. भाविकांनी असंच जर देवाला दानरुपात मोठी मदत केली तर, भाविकांच्या सोयीसाठी आपल्याला वेगवेगळ्या मार्गाने वेगवेगळ्या पद्धतीने सुविधा उपलब्ध करता, येतील असे मत मंदिर समितीचे कार्यकारी अधिकारी गजानन गुरव यांनी सांगितले आहे.
हेही वाचा - एकनाथ शिंदे गटाची निवडणूक आयोगाकडे धाव, संपूर्ण शिवसेना काबीज करण्याचा प्रयत्न?
