पुणे- दररोज वाढत असलेल्या पेट्रोल, डिझेल दरवाढीविरोधात शिवसेनेच्यावतीने आज राज्यभर आंदोलन करण्यात आले आहे. पुण्यातील झाशीच्या राणी पुतळ्याजवळ शिवसेनेच्यावतीने आंदोलन करण्यात आले. यावेळी बैलगाडीची प्रतिकात्मक रुग्णवाहिका बनवण्यात आली होती. यावेळी केंद्रातील सरकार विरोधात जोरदार घोषणाबाजी करण्यात आली.
पुणे; पेट्रोल - डिझेल दरवाढी विरोधात शिवसेनेचे आंदोलन पेट्रोल डिझेलचे दर शतकी वाटचाल करत असताना केंद्रीय अर्थसंकल्पात पेट्रोल-डिझेलवरच्या अबकारी कर सावलतीची अपेक्षा पूर्णपणे फोल ठरली आहे. त्यामुळे पेट्रोल-डिझेलवरच्या सहकारी करात मोठी कपात करावी, अशी मागणी यावेळी करण्यात आली. शिवसेना पक्षप्रमुख उद्धव ठाकरे यांच्या आदेशानुसार आज राज्यभर पेट्रोल डिझेल दरवाढीविरोधात आंदोलन करण्यात येत आहे. केंद्र सरकारने येत्या काळात जर पेट्रोल-डिझेलची दरवाढ कमी केले नाही तर यापुढे तीव्र आंदोलन करू असा इशारा यावेळी देण्यात आला.
सरकारने जनतेला आधार देण्याऐवजी महागाईचा फटका दिला.मागच्या वर्षाच्या सुरुवातीला पेट्रोलचे भाव ७८ रुपयाच्या जवळपास होते. कोरोना काळात सर्वच व्यवहार बंद होते. वाहतूक ही ठप्प होती. या काळातही मोदी सरकारने अबकारी कर मोठ्याप्रमाणात वाढवला. या वाढीव कराची झळ आता सर्वसामान्य नागरिकांना बसत आहे. जागतिक पातळीवर कच्च्या तेलाच्या किंमती कमी झाल्या आहेत. मात्र, याचा फायदा जनतेला थेट स्वरूपात न देता मोदी सरकार मोठ्या उद्योजकांना याचा फायदा करून देत आहे. सामान्य जनतेच्या खिशाला आधार देण्याविषयी महागाईचा फटका मोदी सरकार जनतेला देत आहे. असा आरोप शिवसेना पुणे शहर प्रमुख संजय मोरे यांनी केला.
