पुणे : पुण्यात कोयता गँगच्या दहशतीने नागरिकांत भीती निर्माण होते आहे. कोयता गँगची दहशत पहाता पोलिसांसमोर आरोपींना पकडण्याचे अव्हान आहे. त्ययावर आता पोलिसांनी शक्कल लढवली आहे. कोयता गँगचा आरोपी पकडून दिल्यास ३ हजारांचे बक्षीस पुणे पोलिसांनी जाहिर केले आहे. तसेच बंदूक जवळ बाळगणाऱ्या आरोपीला पकडल्यास 10 हजार बक्षीस मिळणार आहे. तर, वॉन्टेड, फरार आरोपी पकडून दिल्यास त्यालाही 10 हजारांचे बक्षीस देण्यात येणार आहे. मोक्का किंवा एमपीडीएतील आरोपी पकडल्यास 5 हजारांचं बक्षीस जाहीर करण्यात आले आहे. पुणे पोलीस आयुक्तालयातील पूर्व आणि पश्चिम प्रादेशिक विभागाचे अप्पर पोलीस आयुक्तांनी हे बक्षीस जाहीर केले आहे.
कोयता गॅंगने हौदोस घातला : गेल्या काही दिवसांपासून कोयता गॅंगने पुण्यात हौदोस घातला आहे. गेल्या अनेक दिवसांपासून कोयता गॅंगकडून पुण्यात ठिकठिकाणी हल्ल्याच्या घटना घडल्या आहेत. शहरामध्ये या गुंडांचा वाढत प्रभाव पाहता पोलिसांपुढे सुद्धा मोठे आव्हान आहे. त्याच पार्श्वभूमीवर या गुंडांचा बंदोबस्त करणाऱ्या पोलिसाना बक्षीस जाहीर करण्यात आले आहे.
कायदा आणि सुव्यस्थेचा प्रश्न : विद्येचं माहेरघर आणि राज्याची सांस्कृतिक राजधानी असणाऱ्या पुण्यात गेल्या काही महिन्यांपासून कोयता गॅंगने अक्षरशः धुमाकूळ घातल्याचे पाहायला मिळत आहे. हातात कोयते घेऊन ही गँग थेट दुकानांमध्ये तोडफोड करते. याशिवाय पार्किंगमध्ये उभ्या गाड्यांची तोडफोडसुद्धा कोयता गॅंगकडून करण्यात येत आहे. कोयत्याने मारहाणीच्या घटना आणि ठिकठिकाणी झालेले फायरिंग यामुळे पुण्याची प्रतिमा मलीन होत आहे. तसेच यानिमित्ताने कायदा आणि सुव्यस्थेचा प्रश्न निर्माण झाला आहे.
कोयता गँगचे सात सदस्य पळाले : दोन दिवसापूर्वी बाल सुधार गृहातील कोयता गँगचे सात बाल गुन्हेगार पळून गेले होतें. त्यामुळं एक भीतीचे वातावरण तयार झाले आहे. त्यानंतर पोलिसांनी दक्षता घेत हे बक्षिस जाहीर केले आहे. पोलिसांच्या या कार्यवाही नंतर कोयता गँगवर वचक बसेल असे पोलिसांची अपेक्षा आहे.
हेही वाचा - Budget 2023 Highlights : बजेटमधून कुणाला काय मिळाले? वाचा, A to Z माहिती
