Pune Crime : अल्पवयीन तरुणासोबत महिलेचे जबरदस्तीने शरीर संबंध; गुन्हा दाखल

पुणे : शहरात आजपर्यंत बलात्कार तसेच विनयभंगाच्या अनेक तक्रारी नोंदविण्यात आल्या आहेत. मात्र, पुण्यातील कोंढवा परिसरात चक्क एका अल्पवयीन तरुणाने त्याच्याशी एका महिलेने जबरदस्तीने शरीरसंबंध ठेवले असल्याची तक्रार दिली आहे. याबाबत कोंढवा पोलीस ठाण्यात एका 17 वर्षीय अल्पवयीन तरुणाने या प्रकरणी तक्रार दिली आहे. पोलिसांनी या प्रकरणी एका 28 वर्षीय महिलेविरुद्ध पुण्यात गुन्हा दाखल केला आहे.

'त्या' कृत्याची व्हिडिओ क्लिप केली तयार : याबाबत पोलिसांनी दिलेल्या माहितीप्रमाणे, कोरोना काळात आरोपी महिलेच्या पतीचे निधन झाले आहे. यानंतर तिने शेजारी राहणाऱ्या अल्पवयीन तरुणासोबत जबरदस्तीने शरीर संबंध ठेवले होते. या महिलेच्या मोबाईलमध्ये दोघांच्या शरीर संबंधाची व्हिडिओ क्लिप सापडल्याने हा संपूर्ण प्रकार उघडकीस आला आहे. पीडित अल्पवयीन तरुण आणि आरोपी महिला कोंढवा परिसरात राहतात. दोघेही एकमेकांचे शेजारी आहेत.

धमकावून जोडले शरीरसंबंध : कोरोना काळात या महिलेच्या पतीचे निधन झाले होते. त्यानंतर ही महिला एकटीच राहात होती. दरम्यान या महिलेने तरुणाविरुद्ध त्याने जबरदस्ती केल्याची खोटी तक्रार पोलिसात दिली आहे. यानंतर तिने अल्पवयीन तरुणाला धमकावणे सुरू केले आणि त्याच्यासोबत जबरदस्तीने शरीर संबंध ठेवले. या संपूर्ण कृत्याची तिने मोबाईलमध्ये व्हिडिओ क्लिप देखील तरुणाला काढण्यासाठी भाग पाडली. मे 2021 ते नोव्हेंबर 2022 या कालावधीत हा संपूर्ण प्रकार घडला आहे.

तरुणाच्या कुटुंबीयांची पोलिसात धाव : या महिलेच्या मोबाईलमध्ये अशा प्रकारची अश्लील क्लिप असल्याचे पीडित तरुणाच्या कुटुंबीयांना समजले होते. त्यानंतर त्यांनी पोलीस ठाण्यात धाव घेत घडलेला संपूर्ण प्रकार सांगितला. पोलिसांनी या प्रकरणी गुन्हा दाखल केला असून अधिक तपास सुरू आहे.

पुण्यात यापूर्वीही अशा घटना घडल्या : एकट्या राहणाऱ्या महिलेकडून आपल्यापेक्षा वयाने लहान असलेल्या तरुणाचे लैंगिक शोषण करण्यात आल्याच्या घटना नवीन नाही. यापूर्वीही अशा घटना उघडकीस आल्या आहेत. अशीच एक घटना मागील वर्षी पुणे शहरात घडली होती. ज्यामध्ये एका महिलेने शेजारी राहणाऱ्या युवकाला धमकावून त्याच्याशी शारीरिक संबंध ठेवले. यानंतर ती गर्भवती झाल्यावर तिने एका बाळाला जन्मही दिला. यानंतर त्या युवकाने पोलिसात तक्रार दाखल केली होती.

हेही वाचा: